لەماوەی 48 ساعەت.. پۆلیس نەینەوا هویردەکاری تاوانیگ کوشتن ئاشکراکرد کە موسڵ لەرزانیە
2025-01-14 13:45:17 - سەرچاوە: شەفەق نیوز
شەفەق نیوز/ سەرچەوەیگ ئەمنی، ئمڕوو سێشەممە، خەوەردا پۆلیس پارێزگای نەینەوا هویردەکاری چۆنیەتی تاوانیگ کوشتن ئاشکراکرد کە رووژ شەممە شار موسڵ هاوردە لەرزە.
سەرچەوەگە وە ئاژانس شەفەق نیوز وت "ئەندامەیل پۆلیس ئۆم ئەلرەبیعەین توەنستنە هویردەکاری تاوانیگ کوشتن ئاشکرابکەن کە لە خوەرئاوای موسڵ رویدایە لەماوەی 48 ساعەت لە رویدانەگەی، توومەتبارەگە لە ناوچەی هورەمات لە خوەرئاوای موسڵ دەسگیرکریا".
وتیش، "دەزگایەیل ئەمنی تەقەلای خەسیگ دانە و لەدویای وەدویاچگن توومەتبارەگە توەنستن وە وەختیگ پەیمانەیی دەسگیری بکەن".
سەرچەوەیگ ئەمنی لە رووژ شەممەی گوزەشتە خەوەردارە ئاژانس شەفەق نیوز پیایگ و ژنیگ وە گولە کوشیانە لەناوچەی رەجم حەدید خوەرئاوای موسڵ، دیاریکرد پۆلیس نەینەوا لێکۆڵینەوەیگ فراوان لە رویداوەگە وازکردیە.
