هەواڵی کوردستان ئێستا

شەفەق نیوز/ محمد شیاع سودانی سەرۆک ئەنجومەن وەزیرەیل عراق، ئمڕوو سێشەممە، وەگەرد شاه چارڵز سێیەم پاشای بەریتانیا، باس هاوبەشی بەرهەمدار ناوەین بەغداد و لەندەن کرد.

نویسنگەی سەرۆک وەزیرەیل لە بەیاننامەیگ رەسیە ئاژانس شەفەق نیوز: سودانی چەوی کەفتە شاه چارڵز سێیەم پاشای بەریتانیا لە کۆشک بانکنهام لە لەندەن پایتەخت بەریتانیا، و لە دیدارەگە باس هاوکاری دووانی ناوەین عراق و بەریتانیا کریا، و شیوەیل دروسکردن هاوبەشی بەرهەمدار لە جویراجویر چینەیل ئابووری و گەشەپیدان.

  وتیش: لە دیدارەگە باس هاوکاری لە چین نواگیریکردن سەختیەیل ئاڵشتیوین کەشوهەوا و دەرفەتەیل قایمکردن هاوکاری کەلتوری.

سزداین رێز خوەی ئەرا ئەو مکیس فەرمیە نشان دا کە ئەرا سەردان بەریتانیا وەرگرد، و دووبات لە نیاز عراق ئەرا قایمکردن پەیوەندییەیل دووانی بیناکەر لە جویراجویر چینەیل کرد، وەشیوەیگ پاڵپشتی بەرژەوەنی وەردەوام ئەرا گەل عراق و بریتانیا بکەێد.

لەلای خوەییش؛ شاه چارڵز سێیەم پێشوازی لە سودانی کرد، و باس قویلی پەیوەندییەیل میژووی ناوەین عراق و بریتانیا کرد، و ئەو گرنگیە کە حکومت دوو وڵات دەن ئەرا گەشەپیدان بەرژەوەنیەل هاوبەش و لەیەکفامسنن لەبان جویراجویر چینەیل.