English | عربي

جڤاتا پارێزگەها دهۆكێ‌: دڤێت حكومەت سنوورەكی بۆ بوهایێ‌ پانزینێ‌ دانیت


جڤاتا پارێزگەها دهۆكێ‌: دڤێت حكومەت سنوورەكی بۆ بوهایێ‌ پانزینێ‌ دانیت

2019/04/21 | 12:35

(هەواڵ كوردستان)- دهۆكێ‌ رۆژانە پێدڤیە ب ملیۆنەك و 400 هزار لیترێن پانزینێ‌ دبیت

ئەندامەكێ‌ جڤاتا پارێزگەها دهۆكێ‌ راگەهاند، پێدڤیە حكومەت سنوورەكی بۆ بوهایێ‌ پانزینێ‌ بدانیت و چاڤدێریەكا باشتر ل سەر بكەت، چونكو نها پانزین هەموو ژلایێ‌ كەرتێ‌ تایبەت ڤە دهێتە دابینكرن و یا پێشبینیكریە جار ئەرزان بیت و جار گران بیت.

 

رزگار نێروەیی، ئەندامێ‌ لیژنا سۆتەمەنیێ‌ ل جڤاتا پارێزگەها دهۆكێ‌ بۆ (باسنیوز) دیار كر، نها پانزین هەموو ژلایێ‌ كەرتێ‌ تایبەت و بازرگانان ڤە دهێتە دابینكرن و بازرگان ژی ل گۆرەی هزرا وان گرێدای بۆهایێ‌ جیهانی یێ‌ پترۆلێ‌ نە و هەردەمێ‌ پترۆل ل سەر ئاستێ‌ جیهانێ‌ گران بیت، ئەو ژی پانزینێ‌ كران دكەن و گۆت: دڤێت حكومەت پشتەڤانیا ڤی كەرتی بكەت و چاڤدێریەكا باشتر ل سەر بكەت.

 

ئاشكرا ژی كر، حكمەت چاڤدێریێ‌ ل سەر كوالێتیا پانزینێ‌ دكەت، بەلێ‌ بابەتێ‌ بوهایێ‌ پانزینێ‌، حكومەت پشتەڤانیا ڤی كەرتی ناكەت و بازرگانان ژی هێجەت و بەهانە هەنە، ب تایبەت ئەنجوومەنێ‌ وەزیران و وەزارەتا سامانێن سرۆشتی دڤێت پشتەڤانیا كەرتێ‌ تایبەت بكەت و چاڤدێریەكا باشتر ل سەر بوهایێ‌ پانزینێ‌ بكەن.

 

ئەندامێ‌ لیژنا سۆتەمەنیێ‌ ل جڤاتا پارێزگەها دهۆكێ‌ ئاماژە ب هندێ‌ دا، پارێزگەها دهۆكێ‌ رۆژانە پێدڤیە ب زێدەتر ژ ملیۆنەك و 400 هزار لیترێن پانزینێ‌ دبیت و گۆتیشی: بازارێ‌ كرین و فرۆتنا پانزینێ‌ د دەستێ‌ حكومەتێ‌ دا نینە و ئەگەر حكومەت پشتەڤانیێ‌ بكەت، دێ‌ شێت سنوورەكی ژی بۆ بدانیت و دێ‌ هێتە رێكخستن.








نیشانەکردن



زۆرترین






ڤیدیۆ- وێنە





Trending