English | عربي

رەفعەت رەجەب هۆنەرمەند و نڤیسكارێ‌ ناڤدارێ‌ دهۆكێ‌ وەغەر كر


رەفعەت رەجەب هۆنەرمەند و نڤیسكارێ‌ ناڤدارێ‌ دهۆكێ‌ وەغەر كر

2019/04/22 | 10:20

(هەواڵ كوردستان)-

هۆنەرمەند و نڤیسكارێ‌ ناڤدارێ‌ دهۆكێ‌ رەفعەت رەجەب دامەزرێنەرێ‌ شانۆیێ‌ ل پارێزگەها دهۆكێ‌ وەغەرا دووماهیێ‌ كر.

 

ئاواز نهێلی، بەرپرسا راگەهاندنا رێڤەبەریا گشتیا رەوشەنبیری و هونەری ل پارێزگەها دهۆكێ‌ بۆ (باسنیوز) دیار كر، ل درەنگیا شەڤا بۆری ل دەمژمێر 12:00، ژ ئەگەرێ‌ نەخۆشیەكێ‌، هۆنەرمەند و نڤیسكارێ‌ ناڤدارێ‌ دهۆكێ‌ رەفعەت رەجەب رێڤەبەرێ‌ مۆزەخانا گشتیا دهۆكێ‌ و دامەزرێنەرێ‌ شانۆیێ‌ ل پارێزگەها دهۆكێ‌ وەغەرا دووماهیێ‌ كر.

 

رەفعەت رەجەب بەری دوو سالان تووشی جەلتەیەكا دلی بوویە و ئەو بۆ جارا دوویێ‌ بوویە تووشی جەلتا دلی دبیت.

 

رەفعەت رەجەب رێڤەبەرێ‌ مۆزەخانا گشتیا دهۆكێ‌ و دامەزرێنەرێ‌ شانۆیێ‌ ل پارێزگەها دهۆكێ‌ و ل گەل كۆما بزاڤا گۆندیان هژمارەكا زۆر یا زنجیرە درامایێن كوردی چێكرینە و هژمارەكا زۆر یا سیناریۆیێن زنجیرەیان بەرهەڤكرینە و نە گەهەشت دووماهی سیناریۆیا زنجیرەیا درامایا خوە ب دووماهی بینیت و دەرهێنەریا چەندین زنجیرە دراما و فلمێن كوردی ل پارێزگەها دهۆكێ‌ كریە.

 

هونەرمەند رەفعەت رەجەب ل سالا 1972یێ‌ دەست ب كارێ‌ هونەری دناڤ قوتابخانەیان دا كر.

ل ئامادەیا گارە قوتابی بوو و سالانە دگەل رێڤەبەریا چالاكیێن قوتابخانان پشكداری د شانۆیان دا دكر.

 

ل سالا 1979ێ‌ تیما بزاڤ یا شانۆیێ‌ دامەزراند و پاشی پشكداری د چەندین شانۆیێن دی ژی دا كر.

ل سالا 1991 دگەل كۆما وژدان كار كر و چەندین دراما و تەمسیلیێن بچووك چێكرن، لێ‌ ژ نیشكەكێڤە ل سالا 1995ێ‌  كۆما وژدان هاتە هەلوەشاندن و كەسێ‌ پویتە ب تیما وان نەكر.

 

چەندین زنجیرە درامایێن كوردی ل وی دەمی چێكرن، وەكو بزاڤا گوندیان و دوماهیا دزیكەران و بەرپەرێن كەڤن و هژمارەكا درامایێن دی یێن تەلەڤزیونێ‌ لێ‌ كارێ‌ وان هاتە راوەستاندن.

 

رەفعەت رەجەب ل سالا 1957ێ‌ ل قەزا ئاكرێ‌ ژدایك بوویە و ل سالا 1978ێ‌ ژ خانەیا مامۆستایان ل دهۆكێ‌ دەرچوویە و بوویە مامۆستا.

 

 

 








نیشانەکردن



زۆرترین






ڤیدیۆ- وێنە





Trending