نێزیكى 500 هزار گهشتیاران د سالا 2019 دا سهرهدانا پارێزگهها دهۆكێ كریه
رێڤهبهرێ گشتى یێ گهشت و گۆزارێ ل پارێزگهها دهۆكێ ئامارێن سالا 2019 و پلانا سالا 2020ێ ئاشكرا كرن.
عوبهیدوللا داود، رێڤهبهرێ گشتى یێ گهشت و گۆزارێ ل پارێزگهها دهۆكێ ئهڤرۆ 24/12/2019د پرێس كۆنفرانسهكى دا گۆت: "نێزیكى 500 هزار گهشتیاران د سالا 2019ێ دا سهرهدانا پارێزگهها دهۆكێ كریه و ههكه ئهم ڤێ رێژێ دگهل سالا 2018ێ بهراورد بكهین ب رێژا 25% زێدهبوویه كو 70% ژ وان گهشتیارێن سهرهدانا پارێزگهها دهۆكێ كرى برایێن مه یێن عهرهبن و 30% ژى گهشتیارێن بیانى نه و داهاتێ سالا 2019 بهرامبهر سالا 2018 ب رێژا 14% زێدهبوویه هژمارا بنگههێن گهشتیارى ل پارێزگهها دهۆكێ یێن كو مۆلهتێن فهرمى ههین یا گههشتیه 809 بنگههان".
گۆتژی: "د سالا 2019ێ دا نێزیكى چار هزار و 58 جاران سهرهدانا بنگههێن گهشتیارى كرینه 211 هۆشدارى و ئاگههدارى داینه هندهك ژ بنگههێن گهشتیارى یێن كو كێماسى تێدا ههین، ههروهسا 23 ژ ڤان بنگههان یێن ب كۆژمهكێ پارهى هاتینه سزادان 18 بنگههێن گهشتیارى یێن هاتینه داخستن".
دیار كر" د پلانا مه یا سالا 2020 دایه گرنگیهكا زێدهتر بدهینه بابهتێ رهوشهنبیریا گهشتیارى و وپێنگاڤێن باش هاتینه هاڤێتن، ههروهسا دێ كارهكێ زێدهتر ل سهر بازارگێریا گهشتیارى كهین دێ كار ل سهر خالهكا دى یا گرنگ كهین ئهو ژى بابهتێ كهرتێ تایبهته، چونكو كهرتێ تایبهت دینهمۆیێ پێشڤهچوونا كهرتێ گهشت و گۆزارێ یه ".