ئەرا دویای نانخواردن خەومان تێد؟

شەفەق نیوز/ خەواڵویی دویای نانخواردن وە گشتی وە "کۆمای خۆراک" ناسریاس، کە بریتییە لەو حالەت کەسیگ لەدویای خواردن ژەمە خواردنیگ خەوی تێد.
لە ماڵپەڕ " healthhub" بڵاویکردیە، شارەزایەیل مژار تەندروسی دیاریکەن، خەوالوویی دویای نانخواردن حالەتیگ زانستیە و وە شیوەی باویگ روی دەێد و وە مدوو هووکارەیل جویراوجویر روی دەێد.
دیارترین ئەو هووکارەیلە بوونە هووکار خەواڵووی دویای نانخواردن بریتین لە :
1. دویای نانخواردن خوین زیاتر چوودە ناو سیسەم هەرسکردن ئەرا دەسمیەتیدان هەرسکردن خواردن، یەیش بوودە هووکار کەمەوبوین خوین لە مێشک و بەشەیل ترەک لەش و هیلێد هەس وە شەکەتی و خەو بکەێد.
2. دویای نانخواردن ئەنسۆلین لە لەش بەرزەوبوود ئەرا کەمەوکردن شەکر ناوخوین، یەیش بوودە هووکار داوەزیان شەکرەی خوین و هەس کردن وە شەکەتی.
3. خواردنەیڵ چەور و پڕ کاربۆهیدرات بوونە هووکار شەکەتی و خەواڵوویی چوینکە هەرسکردنیان قورسە و وەخت زیاتریگ تواد.
4. بڕیگ خواردن توەنێد بوودە هووکار بەرزەوبوین هۆرمۆن مێلاتۆنین، کە هۆرمۆن خەوە.