هەواڵی کوردستان ئێستا

شەفەق نیوز/ پسپۆڕەیلیگ لە زانکۆی ئەریزۆنا پەیمانەی جیاوازی لە شمارەی ئەو واژەیلە کردن کە وتیەن لەناوەین ژن و پیاو، ئەرا ئاشکراکردن جیاونی زوان و رەفتار پەیوەندیکردن رووژانە.

زیاتر لە 2000 کەس لەناو ئەو تاقیکردن بوین ئەرا پەیمانەکردن شمارەی واژەیل رووژانە ناوەین ژن و پیاو.

ئەو کەسەیلە کە بەشداری کەن ئامێر توومارکردن پارچە دەنگ کوڵ تا ماوەی رووژەگە کردنە گەردن، و دویای گردەوکردن زیاتر لە 600 هەزار پارچە دەنگ، شمارەی واژەیل هەر کەسیگ لەلییان دیاری کریا.

لە ئەنجام دەرچگ کە پیاوەیل وەڕیژەی 11950 واژە لە رووژیگ ئویشن، و ژنەیل رووژیگ 13349 واژە ئویشن،  کە قسەی ژنەیل 1073 واژە لە پیاوەیل زیاترە.

هەرچەن ئەو حیاوازیە فرە نییە، کە بڕیگ لەبان ئی جیاوازی کەنە ئەیشن ژن فرەتر چەنە دەێد تا بویەسە چشت باویگ و ئەو نووڕین باوە کاریگەری نەرێنی دیرێد.   

هەرچەن ژنەیل زیاتر قسە کەن، وەلێ جیاوازی ناوەین کەسەیل فرە گەورە بوی، کە بەشیگ لە بەشداربویەیل رووژیگ زیاتر لە  100 واژە وتنە، و کەسەیلیگ رووژیگ 120 هەزار واژە وتنە.

سەرچەوە دەیلی مەیل -RT