English | عربي

ب وێنه‌.. بازارێ دهۆكێ ژ به‌رهه‌مێن بوهارێ گه‌رم بویه‌


ب وێنه‌.. بازارێ دهۆكێ ژ به‌رهه‌مێن بوهارێ گه‌رم بویه‌

2019/04/24 | 20:40

(هەواڵ كوردستان)-

هه‌مى سالان، ل وه‌رزێ بوهارێ ل سنورێ پارێزگه‌ها دهوكێ وه‌ك هه‌مو ده‌ڤه‌ران، خه‌لك قه‌ستا زوزان و چیایێن ده‌ڤه‌رێن خو دكه‌ت ژ بوى په‌یداكرنا به‌رهه‌مێن بوهارى لێ د ئه‌ڤ ساله‌ دا زێده‌بارى هه‌بونا داخازیه‌كا زێده‌ ل سه‌ر به‌رهه‌مى وه‌كو فروشیار دیار دكه‌ن ژ ئه‌گه‌رێ شه‌رێ به‌رده‌وامێ دناڤبه‌را په‌كه‌كێ و توركیا، ئه‌و به‌رهه‌مه‌ ل ده‌ڤه‌رێن چیاى زوى ب زوى ناگه‌هیته‌ بازارێن دهوكێ.

 

سیابه‌ند ئه‌حمه‌د، ئێك ژ فروشیارانه‌ ل بازارێ دهۆكێ بو (باسنیوز)د بێژیت: "ئه‌و به‌رهه‌مێن بوهارێ ژ سنورێ قه‌زا ئامێدیێ و ناحیێن شێلادزێ و كانى ماسێ و سنورێ قه‌زا زاخو و ئاكرێ دگه‌هنه‌ بازارێ مه‌ و ئه‌و به‌رهه‌مه‌ پێك دهێن ژ (لیش، چورین، رێڤاز ، ستێرك، كه‌نگر ، سوریاس، و هتد ...)".

 

هه‌مان فروشیارى ئه‌و چه‌نده‌ ژى دا دیاركرن: "خه‌لكى گه‌له‌ك داخازى ل سه‌ر ئه‌ڤان به‌رهه‌مێن بوهارێ هه‌نه‌ چونكه‌ خوارنێن جوراو جور ژێ دروست دبین لێ ژ به‌ر كو ناكوكى و شه‌ر دناڤبه‌را پارتا كرێكارێن كوردستانێ (په‌كه‌كێ) و سوپایێ توركیا ل سنورێن هه‌رێما كوردستانێ به‌رده‌وامه‌ له‌ورا ئه‌ڤ به‌رهه‌مه‌ هێدى هێدى بده‌ستڤه‌هاتنا وان بزه‌حمه‌ت كه‌فتیه‌ چونكه‌ ئه‌و جهێن ئه‌و به‌رهه‌مه‌ لێ دهێنه‌ دیتن ئه‌و جهه‌ ژلایێ فروكێن توركیا ڤه‌ دهێنه‌ بوردومانكرن له‌ورا خه‌لك ژ ترسا بورده‌مانا وان ده‌ڤه‌ر و چیایان ئێدى وه‌كو سالێن بورى قه‌ستا زوزانێن خو ناكه‌ت و ئه‌و به‌رهه‌مه‌ وه‌ك پێتڤى ناگه‌هیت بازارى له‌ورا بهایێ وان ژى ل وى ده‌مى به‌ره‌ڤ گرانبونێ ڤه‌ دچیت".

 

هه‌ژى دیاركرنێ یه‌ ، هه‌ر ژ ئه‌گه‌رێ هه‌بونا بنگه‌هێن په‌كه‌كێ ل سنورێ قه‌زا ئامێدیێ دا ، د ماوێ ساله‌كێ دا (18) كه‌سێن سڤیل ژ لایێ فروكێن توركیا ڤه‌ هاتینه‌ شه‌هید كرن و ئه‌و هه‌مو كه‌سه‌ بو بده‌ستڤه‌هاتنا به‌رهه‌مێن بوهارێ قه‌ستا چیایێن ده‌ڤه‌رێن خو كربو لێ چونا وان هه‌بو و ڤه‌گه‌ریانا وان نه‌هاته‌ دیتن.








نیشانەکردن



زۆرترین






ڤیدیۆ- وێنە





Trending