English | عربي

دادگه‌ها دهۆكێ بریارا سێداره‌دانێ بو 2 كه‌سان ده‌ركر


دادگه‌ها دهۆكێ بریارا سێداره‌دانێ بو 2 كه‌سان ده‌ركر

2019/04/30 | 01:25

(هەواڵ كوردستان)-

به‌ریا ساله‌كێ ، ل ناحیا كه‌له‌كچى یا سه‌ر ب پارێزگه‌ها دهۆكێ ڤه‌ ، دوو كه‌س كو (2) هه‌ڤژین بو (زه‌لامه‌ك و هه‌ڤژین)نا خو ل ناڤا مالا خو ژ لایێ دوو كه‌سان ڤه‌ ب ره‌نگه‌كێ هوڤانه‌ دهێنه‌ كوشتن و پشتى ساله‌ك ل سه‌ر ئه‌ڤێ رویدانێ ده‌رباز دبیت، دادگه‌ها دهۆكێ بریارا سێداره‌دانێ بو هه‌ردوو بكوژان ده‌ركر.

 

ئێك ژ كه‌س و كارێن هه‌ردوو كه‌سێن هاتینه‌ كوشتن د داخویانیه‌كا تایبه‌ت دا كو نه‌خواست ناڤێ خو دیار بكه‌ت، چه‌وانیا دروستبونا رویدانێ بو (باسنیوز) دوپات دكه‌ت و د بێژیت: "ل شه‌ڤا ٢٨لسەر٢٩ی١ی٢٠١٨ ئانكو به‌رى ساله‌كێ، دوو كه‌س كو د هه‌مان ده‌م دا (باب و كور) بونه‌ قه‌ستا مالا (فه‌رحان حه‌مید ) دكه‌ن كو ئێك ژ كه‌س و كارێن مه‌یه‌ و ب ده‌مێ شه‌ڤێ وه‌كو مێهڤاندارى قه‌ستا مالا وان كریه‌ و فه‌رحانى ژى ب شێوازیه‌كا جوان پێشوازى لێكر وه‌كو دوو مێهڤان كو سه‌ره‌دانا وى كریه‌".

 

گوت ژى: "هه‌ردوو كه‌سێن ئه‌ڤ تاوانه‌ ئه‌نجام داین (باب و كور) بونه‌ و ژ به‌ر كو فه‌رحان ژ لایێ هه‌بونا داهاتى ڤه‌ كه‌سه‌كێ ده‌وله‌مه‌ند بویه‌ و خودان پرۆژه‌ بویه‌ و وان هه‌ردو كه‌سێن ئه‌و تاوانه‌ ئه‌نجام داى ب مه‌ره‌ما دزینا پارێ فه‌رحانى قه‌ستا مالا وى كریه‌ و پشتى فه‌رحانى پێشوازى لێكرى ، هه‌ردوو كه‌سه‌ رادبن ب كوشتنا (فه‌رحان حه‌مید و هه‌ڤژینا وى) كو هه‌ردو پێكڤه‌ د ئێك مال دا دهێنه‌ كوشتن".

 

هه‌مان كه‌س و كارێ فه‌رحانى ئه‌و چه‌نده‌ ژى دوپاتكر: "پشتى ئه‌و شه‌ڤه‌ ده‌رباز بوى ، ژ به‌ر كو هه‌ڤژینا فه‌رحانى یا نه‌خوش بو له‌ورا كه‌س و كارێن وى ب مه‌ره‌ما لێپرسینا ره‌وشا هه‌ڤژینا وى سپێده‌هیا رۆژا پاشتر قه‌ستا مالا فه‌رحانى دكه‌ن لێ دبینن هه‌ڤژینا فه‌رحانى و فه‌رحان هه‌ردوو كه‌سه‌ ب (چه‌قوكان) ب شێوه‌یه‌كێ هوڤانه‌ هاتینه‌ كوشتن و ژوورێن مالا فه‌رحانى ژ خوینێ سور ببون".

 

 ئه‌و چه‌نده‌ ژى بو باسنیوز نه‌ڤه‌شارت: "پشتى رویدانێ چه‌ند رۆژ ده‌رباز بون ب دلخوشى ڤه‌ ده‌زگه‌هێن ئێمناهیا ده‌ڤه‌را مه‌ شیان هه‌ردوو كه‌سێن ئه‌ڤ كاره‌ ئه‌نجام داى ده‌ستنیشان بكه‌ن كو د هه‌مان ده‌م دا كور و باب بونه‌ و هه‌ردوو كه‌سه‌ بو ژ ده‌رڤه‌ى هه‌رێما كوردستانێ ره‌ڤینه‌ و هه‌تا نها نه‌هاتینه‌ ده‌سته‌سه‌ر كرن لێ هه‌ردوو كه‌سه‌ خه‌لكێ ناحیا كه‌له‌كچى بخو نه‌ و ئه‌م دزانین چ كه‌سن".

 

گۆتژی: "به‌رى چه‌ند رۆژان ل دادگه‌ها دهۆكێ ب به‌رهه‌ڤبونا كه‌س و كارێن فه‌رحانى ژ به‌ر كو هه‌ردوو تاوانبار نه‌هاتینه‌ ده‌سته‌سه‌ر كرن و بێ ئاماده‌بونا وان ، بریارا سێداره‌دانێ بو هه‌ردوو تاوانباران هاتیه‌ ده‌ركرن و ئه‌م چاڤه‌رێ دكه‌ین ل ده‌مه‌كێ نێزیك هه‌ردوو كه‌سێن ئه‌ڤ تاوانه‌ ئه‌نجام داى بهێنه‌ ده‌سته‌سه‌ر كرن و بگه‌هنه‌ سزایێ خو تا كو چ كه‌سێ دیتر چاڤ ل هه‌ردو كه‌سان نه‌كه‌ت و رویدانێن ب ڤى ره‌نگى د ناڤ كومه‌لگه‌هێ دا دروست نه‌بن".








نیشانەکردن



زۆرترین






ڤیدیۆ- وێنە





Trending