هەواڵی کوردستان ئێستا

شەفەق نیوز/ دەسەڵاتەیل ئەمنی عراق، ئمڕوو دووشەممە، پویچەڵکردن قاچاخکردن 6 تەن مس لە پارێزگای دیالە راگەیانن، و دەسگیرکردن 8 توومەتبار وە هووشبەری لە 4 مەرز لەبان سنوور ئیران.

  دەزگای ئاسایش نیشتمانی عراق لە بەیاننامەیگ رەسیە ئاژانس شەفەق نیوز وت: زانیاری هەواڵگری رسیە و

لەبان ماشینیگ مس لە ژیر دادێتەر شاردیەسەو، و ئەرا قاچاخکردنی وەرەو هەرێم کوردستان چگە لەڕی پارێزگای دیالە، دیاری کرد کە دویای قسەکردن وەرد لایەنەیل دادوەری مووڵەت وەرگریا، و ماشینیگ بارهەڵگر گریا.

  وتیش: ماشینەگە مووڵەت لە وەزارەت پیشەسازی و کانزا نەیرێد، و نزیکەی 6 تەن مس لەناوی وەشیوەیگ شاردیەسەو کە ئاشکراکردنی ئاسان نییە، وتیش: توومەتبارەیل وەگەرد ماشینەگە دەسگیر کریان، دەسنریا وەبان ئەو چشتەیلە کە قاچاخی وەپییان کریاس، ئەرا تەواوکردن ریکارەیل یاسایی.

هەرلیوا، هیزەیل پاسەوانی سنووری عراق، دەسگیرکردن 8 توومەتبار وە بازرگانیکردن وە هووشبەری لە 4 مەرز سنووری وەرد ئیران راگەیان.

وەزارەت ناوخۆ لە بەیاننامەیگ رەسیە ئاژانس شەفەق نیوز وت: تەقەلایل فەرماندەیی هیزەیل پاسەوان سنوور نواگیری لە هاوردن هووشبەری کردنر و وە ئۆپراسیۆنەیلیگ جیاجیا، بنکەیل پولیس لە گومرگ شیب لە میسان و شەلامچە لە بەسرە و زوربانیە لە واست و مەنزەریە و مەنەلی لە دیالە، توانستن 8 کەس وە توومەت هووشبەری دەسگیر بکەن.

  بەیاننامەگە وتیش: ئەو توومەتبارەیلە 4یان بیگانە بوینە و تلیاق و میتادۆن و کریستال وەپییان بویە، کە گشتیان وەگەرد مادەیل هووشبەری هەواڵەی دادگا کریان.