هەواڵی کوردستان ئێستا

شەفەق نیوز/ فەرمانگەی تەندروسی پارێزگای کەرکوک، ئمڕوو سێشەممە، راگەیان تیمیگ پزیشکی عراقی سەرکەفتی بوی لەئەنجامداین نەشتەرگەرییگ زایین دەگمەنیگ ئەرا لفانگیگ وەیەکەولکیاگ کە خاوەن دڵیگ هاوبەشن.

وەڕێوەبەر گشتی تەندروسی کەرکوک ئەرجان محەمەد رەشید لە بەیانیگ ئەرا ئاژانس شەفەق نیوز وت،  تیمیگ پزیشکی ئێ نەشتەرگەریە ئەنجامدانە لە خەستەخانەی ژنەیل و مناڵەیل کەرکوک، وتیش؛ لە دویای نەشتەرگەری  تەندروسی داڵگەگە و دوو لفانگەگە جیگیرە.

وتیش؛ لفانگە وە یەکەولکیاگەیل لە بڕیگ ئەنجام هاوبەشن جویر دڵ و کە پسای دەگمەن و پیچیدەیگە پلانیگ هویرد و نەشتەرگەریگ وەلایەن چەن تیمیگ پزیشکی  تواد، دیاریکرد  پساگە هەوەجە وە چەودێری هویردیگ زگپڕیەگە کەێد ئەرا مسۆگەرکردن تەندروسی داڵگ و لفانگەیل.

دکتۆر سوزان وەهبی پزیشک سەرپەرشت نەشتەرگەریەگە ئاشکرایکرد، پسای لفانگ وەیەکەو لکیاگ وە دەگمەن رویدەێد، کە رێژەی رویدانی نزیکەی 1 لە هەر 50,000 تا 200,000 زاینە.

وتیش؛ مەزەنەکرێد 40-60% ئێ زاینەیلە وە مردن کۆتایی باد، 25% تەنیا لە ژیان مینن.