دراوردن تەرم سێ مناڵ لەناو دوو جوو ئاو مەنگ لە بەسرە و کەربەلا
شەفەق نیوز/ تیمیگ وەرگیری شارستانی، شەفەق ئمڕوو چوارشەممە، توەنست تەرم سێ مناڵ لە دوو جوو ئاو مەنگ درارن لە دوو رویداو جیا لە پارێزگایەیل بەسڕە و کەربەلا.
سەرچەوەیگ ئەمنی وە ئاژانس شەفەق نیوز وت، تەرم مناڵیگ پەیاکریا کە لەناو جویە ئاو مەنگیگ خنکیایە لەناوچەی قبلە لەناوڕاس بەسرە لەدویای دیارنەمەننی ئەرا ماوەی زیاتر لە 12 ساعەت دەرچگە وەلایەن سەگ وەڕەلا پەلاماردریایە.
هەمیش، وەڕێوەبەرایەتی وەرگیری شارستانی لە پارێزگای کەربەلا ئمڕوو لە بەیاننامەیگ راگەیان، تیمەیلیان توەنستنە دوو تەرم دوو مناڵ درارن لەناو جوو ئاویگ پیس بوی وە گەناڵخە کە رووبەری زیاتر لە 3000 مەتر چوارگوشەس.
ئاشکرایکرد، ئۆپراسیۆنەگە 16 ساعەت وەردەوامبوی، لە سەرەتای بانگ ئیوارەی دویەکە دەسوەپی کریاس تا شەوەکی ئمڕوو.
وتیش، وەبان سەختی و رخداری شوینەگە رەسینەس وە دوو تەرمەگە لەوەر خەسی گناڵخەیل و سەختی شوینەگە تیمەگە وەبی وسیان تەقەلادایە، بارودۆخە سەختەگە رخداری داشتیە لە بەرزەوبوین غاز میسان ژەهراوی لە جووەگە، هیشتیە کارەگە زیاتر سەختەو بوود، باوجی تیمەیل تایوەت وەردەوام بوین لە کارکردن تا سەرکەفتی بوین لە کارەگە.
