English | عربي

  ☵ گرنگترین هه‌واڵ



كەلار.. كەرنەڤاڵێك بۆ پشتیوانیی ڕیفراندۆمی سەربەخۆیی ساز دەکرێت

2017/09/10 | 06:00

(هەواڵ كوردستان)-

بەمەبەستی پشتیوانیكردنی پرۆسەی ڕیفراندۆمی سەربەخۆیی كوردستان، ئەمڕۆ یەك شەممە ژمارەیەك لە ڕێكخراوەكانی كۆمەڵگەی مەدەنی لە سنووری ئیدارەی گەرمیان، كەرنەڤاڵێكی ئۆتۆمبێل لە سنووری قەزای كەلار ئەنجام دەدەن.

 

ئەحمەد گلی بەرپرسی ڕێكخراوی ئایدیالیست بۆ پەرەپێدانی هۆشیاری نیشتمانی و ئەندامی لیژنەی باڵای هەماهەنگی و جەماوەری ڕیفراندۆمی سەربەخۆیی، بە (باسنیوز) ی ڕاگەیاند "بەمەبەستی پاڵپشتیكردنی پرۆسەی ڕیفراندۆمی سەربەخۆیی كوردستان، وەكwو ژمارەیەك لە ڕێكخراوەكانی كۆمەڵگەی مەدەنی، كاتژمێر 4 ی ئێوارەی ئەمڕۆ 10/9/2017 كەرنەڤاڵێكی ئۆتۆمبێل لە شارەدێی ڕزگاری و قەزای كەلار ئەنجام دەدەین".

 

گوتیشی "ئەم پرۆسەیە پەیوەستە بە ژیانی تاك بە تاكی كوردەوە و ماوەی زیاتر لە سەد ساڵە لەپێناویدا خەبات دەكەین، بۆیە بە هەموو توانامانەوە پشتیوانی لە سەركەوتنی ڕیفراندۆنی سەربەخۆیی دەكەین و داوا لە هەموو گەلی كوردیش دەكەین بە (بەڵێ) بەشداری لە پرۆسەكەدا بكەن, چونكە دەرفەتێكی زێڕینە بۆمان ڕەخساوە تا لە ڕێگەیەوە بڕیار لە چارەنووسی خۆمان بدەین، تا بۆ هەموو جیهانی بسەلمێنین كە نەتەوەی كورد چیدی ژێردەستەیی و نۆكەری پێ قبوڵ نییە ".

 

گلی ئاماژەی بەوەش دا "پێویستە هەموو تاكێكی كورد ئەوە بزانێت كە سەربەخۆیی موڵكی هیچ حزب و كەسێك نییە و بۆ كاتێكی دیاریكراویش نییە، بەڵكوو بۆ سەربەخۆیی و ڕزگاربوونی گەلێكی زوڵملێكراو و چەوساوە و ژێردەستەیە".

 








نیشانەکردن



زۆرترین






ڤیدیۆ- وێنە





Trending