English | عربي

وەزیری بەرگریی فەرەنسا: ئەگەر ڤیدیۆكەی بەغدادی راست بێت مەترسیدارە


وەزیری بەرگریی فەرەنسا: ئەگەر ڤیدیۆكەی بەغدادی راست بێت مەترسیدارە

2019/04/30 | 22:25

(هەواڵ كوردستان)-

ئێوارەی ئەمڕۆ سێشەممە فلۆرانس بارلی وەزیری بەرگریی فەرەنسا رایگەیاند ئەگەر پەیامە ڤیدیۆییەكەی ئەبوبەكر بەغدادی راست بێت، مانای وایە هێشتا ڕێكخراوی تیرۆریستی داعش مەترسی ماوە.

دوێنێ ڕێكخراوی تیرۆریستی داعش پەیامێكی ڤیدیۆیی ئەبوبەكر بەغدادی بڵاو كردەوە، ئەمەش بووە جێی سەرنجی میدیاكان و سەركردە سیاسییەكانی جیهان.

بارلی لە هەژماری خۆیدا لە تۆڕی كۆمەڵایەتیی (تویتەر) پۆستێكی لەبارەی پەیامەكەی بەغدادی سەرۆكی داعش بڵاو كردووەتەوە و نووسیویەتی كە دەزگای هەواڵگری فەرەنسا بەردەوامە لە لێكۆڵینەوە لەم ڤیدیۆیەی دوێنێ بە ناوی "لە میوانداریی ئەمیری ئیمانداران"دا بڵاو كرایەوە، گوتیشی دەیانەوێ بگەنە ئەوەی داخۆ گرتەكە راستەقینەیە یان نا.

وەزیری بەرگریی فەرەنسا دووپاتی كردووەتەوە كە پێویستە بە هۆشدارییەكی تەواوەوە مامەڵە لەگەڵ پەیامە ڤیدیۆییەكەدا بكرێ و لەوە بكۆڵدرێتەوە كە راستیە یان نا.

گوتیشی ئەگەر دەركەوت ڤیدیۆكە راستەقینەیە، ئەوا دەبێ بە ڕژدیەتی زیاترەوە مامەڵەی لەگەڵ بكرێ، چونكە مانای وایە كە ڕاستە هێشتا ڕێكخراوی تیرۆریستی داعش چالاكە.

 

 








نیشانەکردن



زۆرترین






ڤیدیۆ- وێنە





Trending