کابرایگ دەروین ناتەواو ئەندامیگ ئەمنی کوشێد لە کەرکوک
شەفەق نیوز/ سەرچەوەیگ ناوخوەیی لە پارێزگای کەرکوک، ئمڕوو سێشەممە، خەوەردا لە کوشیان پۆلیسیگ لەمەوقەی تەقەلاداین ئەرا پویچەوکردن پەلامارداین کەسیگ وەبان بنکەی پۆلیس لەناوڕاس پارێزگاگە.
سەرچەوەگە وە ئاژانس شەفەق نیوز خەوەردا "کەسیگ شەوەکی ئمڕوو تەقەلای چگن وەناو بنکەی پۆلیس (قوریە) دایە لەناوڕاس پارێزگاگە، دەێد لە ئەندامیگ پۆلیس (پاسەوان دەر) هەنای ریگری لەلی کرێد" وتیش؛ " ئەو کەسە تەقە لە پاسەوانەیل کردیە یەکیگیان تویش زەخمداری سەختیگ بوود و وەی مدووە گیان لەدەس دەێد".
وتیش؛ "هێزیگ لە پۆلیس فریاکەفتن و پۆلیس ناوەندی توەنست ئەو کەسە دەسگیر بکەێد".
سەرچەوەگە ئاشکرایکرد "پۆلیس دەسکردیە وە لێکۆڵینەوە کردن ئەرا زانین ئەو هووکارە کە هیشتیەئەو کەسە پەلامار پۆلیس بدەێد، قسەوباس هەس کە بیماری دەروینی دیرێد" وەبی ئەوەی زانیاری زیاتر بخرێدە روی.
