باوگیگ لە دووزخورماتوو پەلامار سێکسی دویەت چوار ساڵان خوەی دەێد
شەفەق نیوز/ سەرچەوەیگ پزشکی لە قەزای دووزخورماتوو لە پارێزگای سەڵاحەدین، ئمڕوو سێشەممە، خەوەردا لە توومارکردن دەسدرویژی سێکسی لەبان دویەت مناڵیگ لە تەمەن چوار ساڵان وەلایەن باوگی لە خوەرهەڵات پارێزگاگە.
سەرچەوەگە ئەرا ئاژانس شەفەق نیوز وت: خەسەخانەی قەزای دووزخورماتوو رویداویگ ئەڵاجەوی وەخوەی دی، کە لە میژوو دامەزریانی وەیجویرە نەویە، کە باوگیگ پەلامار سێکسی دویەت چوار ساڵان خوەی داگە، دیاری کرد کە دویەتەگە رەسیە خەسەخانە و تەندروسیی بەد بوی، و چوینکە توانای خاسەوکردن و چارەسەریی نەویە، ئەرا خەسەخانەی ئازادی لە کەرکوک کلکریا.
سەرچەوەگە وتیش: ئەو مناڵە لە دووزخورماتوو ئەرا کەرکوک کلکریا، و ئیرنگە لە خەسەخانەی ئازادی خەفتیە، و تویش خوینوەربوین سەختیگ هاتیە، دیاری کرد کە تیمەیل پزشکی چارەسەری ئەرای پیشکەش کەێد.
سەرچەوەگە دووپات کرد کە دالگ دویەتەگە خوەی ئاگادار پولیس کردگە، و لەبان ئەوە هیزیگ ئەمنی رەسیە و شویەگەی دەسگیر کردیە، و ئیرنگە خریاسە لێکۆڵینەوە.
سەرچەوەگە وتیش: ئیرنگە ئەو مناڵە وەگەرد داڵگی لە خەسەخانەی ئازادی خەفتیە، و لێکۆڵینەوە وەرد باوگە وەردەوامەر و هەمیش وەگەرد داڵگەگە ئەرا رەسین وە بندروس رویداوەگە.
