English | عربي

له‌ هه‌ڵه‌بجه‌ ڕۆژی جیهانیی كرێكاران به‌رز ڕاگیرا


له‌ هه‌ڵه‌بجه‌ ڕۆژی جیهانیی كرێكاران به‌رز ڕاگیرا

2019/05/01 | 13:10

(هەواڵ كوردستان)-

به‌مه‌به‌ستی به‌زڕاگرتنی رۆژی جیهانیی كرێكاران، سه‌رۆكایه‌تیی شاره‌وانی هه‌ڵه‌بجه‌ به‌ هاوكاریی كۆمپانیای گارێكس و حزبی شیوعیی كوردستان، له‌ناو باخی گشتیی هه‌ڵه‌بجه‌ ڕێوڕه‌سمێكیان بۆ كریكارانی هه‌ڵه‌بجه‌ ساز كرد.

 

كوێستان ئه‌كره‌م، سه‌رۆكی شاره‌وانی هه‌ڵه‌بجه‌، به‌ (باسنیوز) ی ڕاگه‌یاند: "ئه‌مڕۆ له‌ناو باخی گشتی هه‌ڵه‌بجه‌، ڕێوڕەسیمێكمان بۆ نزیكه‌ی (130) كرێكاری هه‌ڵه‌بجه‌ ساز كرد و  تێیدا جگه‌ له‌ باسكردنی ڕۆژی جیهانیی كریكاران، شیرینی و خه‌ڵاتمان پیشكه‌ش به‌ هه‌موویان كرد.

 

ڕوونی كرده‌وه ‌و گوتیشی: "ئامانج له‌ ئه‌نجامدانی ئه‌م ڕێوڕه‌سمه‌ به‌رزڕاگرتنی ئه‌م ڕۆژه‌یه‌ و ده‌مانه‌ویت كرێكاره‌كان هه‌ست به‌ بوونی ئه‌م ڕۆژه‌ بكه‌ن، ماوه‌ی دوو ساڵیشه‌ وه‌ك شاره‌وانیمان له‌م ڕۆژه‌دا كاریان پی ناكه‌ین و ڕێوره‌سمێكیان بۆ ساز ده‌كه‌ین".

 

سه‌رۆكی شاره‌وانیی هه‌ڵه‌بجه‌ ئاماژه‌ی به‌وه‌ش دا: "له‌گه‌ڵ به‌ڕێوه‌به‌رایه‌تیی گشتیی ته‌ندروستیی هه‌ڵه‌بجه‌ په‌یوه‌ندیمان درووست كردووه‌، كه‌ هه‌ر ڕۆژیك ئه‌و كرێكارانه‌ پێویستیان به‌ چاره‌سه‌ر هه‌بوو، له‌ شاره‌وانیمان پشتگیرییه‌كییان بۆ ده‌كه‌ین، خۆیان و خێزانه‌كانیان له‌ کلینیکی ڕاوێژکاری ئێوارانی هه‌ڵه‌بجه‌ به‌بێ به‌رامبه‌ر پشكنین و چاره‌سه‌ریان بۆ ده‌كرێت".








نیشانەکردن



زۆرترین






ڤیدیۆ- وێنە





Trending