بەسانن کۆمپانیای گەشتوگوزار و پەیمانگەی فێرکاری لە بەغداد
شەفەق نیوز/ فەرماندەیی ئۆپراسیۆنەیل بەغداد، ئمڕوو یەکشەممە، راگەیان هەڵمەتیگ وشکین و لێکۆڵینەوە ئەنجامدانە ئەر کۆمپانیایەیل گەشتوگوزار و پەیمانگایەل فێرکاری و قاوەخانەیل لای کەرخ و رەسافە، لە ئەنجام شمارەیگ دوکان بەسیان و سەرپیچیکەرەیل دەسگیرکریان.
فەرماندەیەگە لە بەیاننامەیگ رەسیە ئاژانس شەفەق نیوز ئاشکرایکرد، "دەزگایەیل ئەمنی سەر وە فەماندەیی ئۆپراسیۆنەیل و وە پشت بەسان وە فەرماندەیی پۆلیس بەغداد کەرخ و رەسافە و دەزگایەیل پەیوەنیدار، ئۆپراسیۆنیگ ئەنجامدان کە هۆل و کۆمپانیاگان و نویسینگەیل و قاوەخانەیل گردیەسەخوەی، لە چوارچمگ پلانیگ ئەمنی لە مانگ رەمەزان پیرۆز".
وتیش، "سێ کۆمپانیای گەشتوگوزار و دوو پەیمانگای فێرکاری و وتن وانەیل تایوەت، کە وەبی رەزامەنی فەرمی کارکردنە وەپای راپۆرتەیل فەرمی بەسان".
وتیش؛ "ئۆپراسیۆنە ئەمنیەیل لە ناوچەیل دۆرە و وەزیریە و غەدیر و بەتاوین ئەنجام دریانە، دووپاتکرد لە وەردەوامی تەقەلایەیل ئەرا دەسگردن وەبان سەرپیچیەیل و ئەوزەڵداین وە ئاسایش لە بەغداد.
