واران ماڵیەسەی.. پەیاکرد 111 پارچەی ئاسەواری لە شار بورسيبا باشوور بابل (وینە)
شەفەق نیوز/ فەرماندەیی پولیس پارێزگای زیقار، ئمڕوو یەکشەممە، خەوەردا لە جیوەجیکردن ئۆپراسیۆنیگ ئەمنی هاوبەش، رەسیە ئەنجام پەیاکردن 111 پارچەی ئاسەواری لە شار بورسيبا باشوور پارێزگاگە، کە واران ماڵیەسەی.
فەرماندەییەگە لە بەیاننامەیگ رەسیە ئاژانس شەفەق نیوز وت: بەش پولیس مقیەتیکردن ئاسەواری و میراتی، وە هەماهەنگی وەرد فەرمانگەی ئاسەواری بابل و مەفرەزەیگ لە ئاسایش نیشتمانی لە بابل، ئۆپراسیۆنیگ ئەمنی جیوەجی کرد لەناو ساڵ ئاسەواری بورسيبا لە باشوور پارێزگاگە، کە (111) پارچەی ئاسەواری لە شیوە و قەوارەی جیاجیا پەیا کریا، کە وە مدوو وارانەیل دویایین کەفتنە بان روی خاک.
فەرماندەیی پولیس دووپات لە گرنگی ئی پەیاکردنە کرد لەناو تەقەلایل مقیەتیکردن شوینەیل ئاسەواری، لە وەشکین و هەڵکەنین نا یاسایی و قاچاخ.
وتیش: ئەو پارچە ئاسەواریەیلە کە پەیا کریانە ئەوەسا کەفنە شیەوکردن وەلایەن پسپۆڕەیل لە فەرمانگەی ئاسەواری بابل، ئەرا دیاریکردن ناسنامە و گرنگی میژووییان.
