هەواڵی کوردستان ئێستا

شەفەق نیوز/ فەرماندەیی ئۆپراسیۆنەیل بەغداد، ئمڕوو یەکشەممە، دەسگیرکردن شمارەیگ توومەتبار لە ئۆپراسیۆنیگ ئەمای هاوبەش راگەیان.

راگەیانن ئۆپراسیۆنەیل بەغداد لە بەیاننامەیگ رەسیە ئاژانس شەفەق نیوز وت، وە یەکیگیان نۆ پاسپۆرت بی موولەت دەسوەبانیان گیریاس، و بڵاوکردنو کیشان مادەی هووشبەر ".

لە بەیاننامەگە دیاریکرد، دەسنریاس وەبان ماشینیگ و ماتوڕسکیڵیگ کە سەرپیچی رێنمایەل کردنە  لە هەردوگ لای کەرخ و رەسافە، لە چوارچمگ ئەوزەڵداین وە ئاسایش و بیوەیی لەماوەی مانگ رەمەزان.

راگەیان، هەواڵگێری سەربازی هەشت تومەتبار وەپای مادەی چوار یاسای دژە تیرۆر دەسگیرکرد لە پارێزگای ئەنبار و نەینەواو و میسان.

لە بەیاننامەیگ رەسیە ئاژانس شەفەق نیوز وت، وەڕێوەبەرایەتی هەواڵگێری سەربازی، وە پشت بەسان وە زنیاری هەواڵگێری هویردیگ بەش هەواڵگێری تیپ هەفت و شانزە و دوو و بیسەم، توەنسن ئۆپراسیۆنیگ لە پارێزگایەیل ئەنبار و نەینەوا و میسان جیوەجی بکەن، لە ئەنجام هەشت توومەتبار وەپای برگە مادەی  (4/ تیرۆر)دەسگیرکریان، دەسگیرکریاگەیل  سەر وە چەتەیل تیرۆرستی داعش و تێوەگلانە لە " مەرافەیل هووزانە.ئەرا تەواوکردن رێکار یاسایی وەرانوەریان دریانە دەس لایەنەیل پەیوەنیدار.