هەواڵی کوردستان ئێستا

شەفەق نیوز/ دەسەی گشتی کەشناسی و زەویلەرزەناسی عراق، ئمڕوو سێشەممە، دیاری کەشوهەوای رووژەیل کۆتایی رەمەزان کرد.

 کەشناسی عراق لە بەیاننامەیگ راگەیان "سوو چوارشەممە، ناوچەیل هەرێم کوردستان و ناوڕاس عراق ئاسمان ساماڵ و نیمەئەورە، و ناوچەیل باشووریش هاوکات ساماڵ بوود و پلەی گەرمی کەمیگ بەرزەوبوود".

دیاریکرد، "رووژ پەنجشەممە، لە سەرانسەر وڵات نیمەئەور و ئەور تەواوە، لە هەرێم کوردستان و ناوچەیل ناوەڕاسیش، پلەی گەرمی جویر رووژەیل گوزەشتەس".

لەباوەت رووژ جومعە راگەیان، وە گشتی فرەی وەختەگە ئەورە، پلەی گەرمی لە هەرێم و ناوچەیل ناوڕاس چەن پلەیگ بەرزەوبوود و ناوچەیل باشوور بەرزترەوبوود".

وەپای مەزەنەیل، رووژ شەممە، ئاسمان ئەورە و پلەی گەرمی زیاتر بەرزەوبوود".