هەواڵی کوردستان ئێستا

شەفەق نیوز/ پەرەستارەیل پارێزگای بەسرە، ئمڕوو سێشەممە، باکۆت گشتی یەک رووژە راگەیانن ئەرا جواوداین داواکاریان لە سەندیکای پەرەستارەیل بنکەی گشتی، کە شمارەیگ داواکاری داواکەن ئەرا جیوەنیکردن وەلایەن لایەنەیل پەیوەنیدار.

ئەندام ئەنجومەن سەندیکای پەرەستارەیل بەسرە حسێن عەوید وە ئاژانس شەفەق نیوز وت "بایکۆت چین پەرەستارەیل لە گشت خەستەخانە و بنکەیل تەندروسی پارێزگای بەسرەس، وەگەرد وە وەرچەوگردن حالەتەیل دەسوەجی و فریاکەفتن و خودەج و سزیان رێژەی بایکۆتەگە  50٪".

وتیش "بایکۆتەگە لە ساعەت 8 ئمڕوو سێشەممە دەسوەپیکرد و ماوەی 24 ساعەت وەردەوام بوود، و لە سوو شەوەکی کۆتایی وەپی تێد، وە پشت بەسان وە رێنمایەیل سەندیکای پەرستارەیل بنکەی گشتی".

لە کۆتایی وتیش؛ لەی بایکۆتەگە داوای بڕیگ داواکاریکەن لە گرنگترینی داوای بەرزەوکردن دەرماڵەی بڕوانامەی ئامادەیی کەن وەرد بەرزەوکردن  دەرماڵەی رخداری وە بڕ  100٪، وەگەرد پاراستن پەرەستارەیل لە رخداری کارکردن".