مردن مەدەنییگ و زەخمداری 4 کەس وە رویداویگ هاتوچو لە باشوور کەرکوک
2025-03-25 14:35:18 - سەرچاوە: شەفەق نیوز
شەفەق نیوز/ سەرچەوەیگ لە فەرمانگەی هاتوچو پارێزگای کەرکوک، ئمڕوو سێشەممە، خەوەردا لە توومارکردن حالەتیگ مردن و زەخمداری چوارکەس لە رویداویگ هاتوچوی لە باشوور پارێزگاگە.
سەرچەوەگە وە ئاژانس شەفەق نیوز خەوەردا، "رویداویگ هاتوچوی نیمەڕوی ئمڕوو رویدایە لەناوەین ماشینیگ لەجویر BMW یەکیگ ترەک لە جویر (كيا) بارهەڵگریگ، لەبان ری کەرکوک و داقوق (35 كم باشوور کەرکوک)، لە ئەنجام مەدەنیگ مرد و چوارکەسیش زەخمدار بوین".
سەرچەوەگە وتیش "هێزەیل پۆلیس لە شوین رویداوەگە ئامادەبوین و تەرمەگە ئەرا پزیشک دادوەری بریا و زەخمدارەیلە ئەرا چارەسەرکدن کلکریانە خەستەخانە، وتیش "لێکۆڵینەوە لە رویداوەگە وازکریا و هووکار یەکەم خێرایی بەرزیگ بویە وەلایەن خاوەن ماشینە یەکەمەگە".
