دادوەری عراق عومەر کروی ئەرا سەرۆکایەتی ئەنجومەن دیالە گلەو دەێد
شەفەق نیوز/ دادگای دادوەری ئیداری، ئمڕوو سێشەممە، بڕیاریگ وەلائی دەرکرد وە گلەوداین عومەر کروی ئەرا پۆست سەرۆک ئەنجومەن پارێزگای دیالە، لە دویەم بڕیار لەیجویرە وەماوەی ئی مانگەیل گوزەشتە.
ئەوەیش وەگورەی کتاویگ فەرمی لەلایەن عوسمان عەبودی سەرۆک دادگای دادوەری ئیداری کە رەسیە ئاژانس شەفەق نیوز تا بوودە وەڵامیگ فەرمی و نوویگ لەبان دانیشتن لاوردنی.
هاتێ ئی کارە دەر لەڕوی ئاڵشتبویەیل نوویگ لەی رووژەیل بانانە واز کەێد.
رووژ یەکشەممەی گوزەشتە، ئەنجومەن پارێزگای دیالە، دەنگ لەبان لاوردن عومەر کروی لە سەرۆکایەتیی دا لەناو دانیشتن پرسیارکردنی، تا دویای ئەوە دەنگ ئەرا نیزار لهێبی بەێد جویر سەرۆک نوویگ ئەرا ئەنجومەنی.
لاوردن کروی وە دەنگ 12 ئەندام هات، لەناو رەخنەیل سیاسی و توومەت وە فشارەیل ئاڵشتکردن سەرۆکایەتی ئەنجومەن.
نیزار لهێبی، دویەکە دووشەممە، قەسەم یاسایی خوارد ئەرا وەرگردن ئەرکەیلی وە شیوەیگ فەرمی جویر سەرۆک ئەنجومەن پارێزگای دیالە.
پەیامنێر ئاژانس شەفەق نیوز وت: لهێبی دویای قەسەمخواردن یاسایی دەسکردە کارەیلی جویر سەرۆک ئەنجومەن.
