هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو چوارشەممە، خەوەردا کەسەیل نەناسریایگ ماڵ دادوەریگ عراقی وە بۆمب کردنەسە ئامانج لە کوچەی مامووستایەیل نوو لە پارێزگای میسان، باشوور عراق.

سەرچەوەگە وە ئاژانس شەفەق نیوز وت، تەقینەوەگە بویەسە مدوو زەرد مادی رەسان وە ماڵە وە ئامانج گیریاگە و ماڵەگەی شانی، وەبی کەلەمەداربوین مرۆیی.

سەرچەوەگە وتیش؛ دادوەرەگە لە دادگای وەپیاچگن بەسرە کارکەێد، وەبی ئەوەگ زانیاری زیاتر لە هووکار پەلامارەگە یا لایەن تاوانبار لە رویداوەگە بدەێد.