لەدیمەنیگ باوەڕ وەپی نەکریاگ.. دراوردن تەرم دویەت گەنجیگ لەناو بیر تەنگیگ لە بەسڕە (ڤیدیۆ)
2025-04-01 11:20:17 - سەرچاوە: شەفەق نیوز
شەفەق نیوز/ وەڕێوەبەرایەتی وەرگیری شارستانی لە پارێزگای بەسڕە باشوور عراق، ئمڕوو سێشەممە، دراوردن تەرم دویەت گەنجیگ راگەیان کە دویەکە دووشەممە خوەی وەناو بیرە ئاویگ فڕەدایە لەناو بوسانیگ لە سەفوان.
وەڕێوەبەرایەتیەگە ئمروو لە بەیاننامەیگ راگەیان، تیمەیلیان توەنستن تەرم دویەتیگ لەناو بیریگ ئەرتوازی وە قویلی 30 مەتر لە ژیر زەوی درارن وە پشت بەسانن وە کەەستەیل جوی ماشین هەڵکەنین لە کۆمپانیای نەفت و تەقەلای مەدەنیەیل.
سەرچەوەیگ ئەمنی، دویەکە دووشەممە، خەوەردا لە خوەیکوشتن دویەت گەنجیگ کە خوەی وەناو بیرە ئاویگ فڕەدایە.
ئاژانس شەفەق نیوز ڤیدیۆی دراوردن تەرم دویەتەگە لەناو بیر بڵاوکەێد لە دیمەنیگ کە باوەڕوەپیکریاگ نییە لەوەر تەنگی دەم بیرەگە.
