تایکواندۆی عراق بەشداری لە پاڵەوانیەتی جەهانی لاوان کەێد لە ئیمارات
شەفەق نیوز/ یەکێتی تایکواندۆ عراق، ئمڕوو چوارشەممە، راگەیان هتڵوژاردەی عراق لە پاڵەوانیەتی لاوان جەهانی بەشداریکەید لە ماوەی مانگ ئایندە.
سەرۆک یەکێتی عراقی مەحمود عەباس لامی وە ئاژانس شەفەق نیوز وت، هەڵوژاردەی عراق بەشداری لە پاڵەوانیەتی لاوان جەهانی کەێد کە بڕیارە لە ماوەی 10 تا 14 مانگ ئایار ئایندە لە وڵات ئیمارات وەڕیوەبچوود.
وتیش هەڵوژاردەگە لە سەربازگەیل راهێنانەیل ئامادەکاریکەن، کە یەکەمیان قائم لە ئیرانە و لەدویای ئەوە چگن ئەرا سەربازگەی راهێنان لە کازاخستان لە رووژ 25 نیسان.
وتیش؛ یەکێتیەگە ناو لایەنەیل تەکنیکی هەڵوژاردەگە هاوردیە کە بریتین لە راهێنەرەیل نەبی قاسم و یاسر عەقیل، وتیش، هەفت بازیکەر نوێنەرایەتی تایکواندۆ عراق کەن لە پاڵەوانیەتی جەهانیەگەی ئایندە.
دیاریکرد، بازیکەرەیل وەپای ئەنجامەیل هەڵوژێریەن کە لە پاڵەوانیەتەیل و تاقیکردنەوەیل ناوخوەیی کرێد کە یەکێتی عراقی بازیەگە دانایەسێ.
