پویچەوکردن قاچاخکردن مادەی هووشبەر لە دوو دەروازەیل سنووری لە باشوور عراق
شەفەق نیوز/ دەسەی دەروازە سنووریەیل عراق، ئمڕوو شەممە، خەوەردان لە پویچەوکردن دوو تەقەلای قاچاخکردن حەبەیل هووشبەر لە دەروازەیل شەیب و شلامجە لە باشوور عراق، دووپاتکرد لە دەسگیرکردن توومەتبارەیل.
دەسەگە لە بەیاننامەیگ رەسیە ئاژانس شەفەق نیوز راگەیان، "لە میانەی وشکنین هویردیگ ئەرا گشت کاڵا و کەسەیل ، توەنستن دەسبگرن وەبان حەب مادەی هووشبەر و دەسگیرکردن ئەو کەسەیلە کە هەڵیگردوین لە دەروازەی شەیب و شەلامجەی سنووری".
وەتیش "وەڕێوەبەرایەتی دەروازەی شیب، وە هاوکاری وەرد فەرمانگەی گشتی، گەشتیاریگ بیانی دەسگیرکردن ، کە جویرەیل جیاوازیگ لە حەبەیل کەگومانکرێد هووشبەربوود وەپی بویە".
لەههمان وەخت "وەڕێوەبەرایەتی دەروازەی شلامجە توەنست گەشتیاریگ عراقی لە هۆل چەورێکردن، دسگیربکەن کە (2000) حەب نیمادۆل وەپی بوی کە لەناو کیسەیگ شاردوێدەوەی لە تەقەلای سەرنەکەفتیگ ئەرا قاچاخکردن و هاوردنی وەناو وڵات"وەپای بەیاننامەگە.
دەسەگە دووپاتکرد "وەشیوەی یاسایی دەسگیریاس وبانی و توومەتبار و حەبەیلە ئەرا لایەنەیل ئەمنی پەیوەنیدار کلکرێد ئەرا وەرگردن رێکار یاسایی گونجیاگ وەرانوەریان".
