هەواڵی کوردستان ئێستا

شەفەق نیوز/ دەسەی کەشناسی عراق، ئمڕوو شەممە، هووشداریدا لە واران رفتیگ و بەڵاچە و لافاو کە ئمڕوو رەسێدە شمارەیگ پارێزگای وڵاەگە، لەهەمان وەخت دووپاتکرد پلەی گەرمی بەرزەوبوود رەسێدە 40 پلەی سەدی لەرووژ چوارشەممەی ئایندە.

دەسەگە ئمڕوو لە اپۆرتیگی کە ئاژانس شەفەق نیوز دیەسێ ئاشکرایکرد، لەماەی شەوکی ئمڕوو دەرفەت واران وارین لە پارێزگایەیل ئەنبار و ناوچەیل خوەرئاوای وڵاەگە کۆتایی وەپی تێد لەدویای شارەل ناوڕاس و باکوور خوەرئاوا گرێدەو.

لە راپۆرتەگە وتیش، درفەت واران وارین لە بڕیگ شارەیل باشوور وڵات لەماوەی نیمەڕوو وسێد و سوو یەکشەممە گلەوخوەد.

دیاریکرد، شارەیل باکوور و خوەرهەڵات عراق وەرد شارەیل دیالە و سەڵاحەدین تا ئیوارە و شەو شەممە دەرفەت واران وارین وەردەوام بوود.

دەسەگە هووشداریدا لە واران وارین رفتیگ و بەڵاچە و لافاو کە کاریگەری لەبان ناوچەیل هەولێر و سلێمانی و دهۆ دروسکەێد وخوەرهەڵات شار موسڵ ناوەن پارێزگاینەینەوا باکوور پارێزگای بوود.

دەسەگە وتیش "نووگەریەیل نمونەیل کەشناسی دیاریکەن، پلەی گەرمی لەماوەی هەفتەی ئایندە وەردەوام بوود لە بەرزەوبوین لە روژ چوارشەممە 4/9 پلەی گەرمی رەسێدە 40 پلەی سەدی لە شاریل ناوڕاس و باشوور وڵاتەگە و کەمیگ کەمترە لە شارەیل ترەک".

 وتیش؛ پلی گەرمی لە رووژ پەنجشەممە وەشیوەی وەرچەویگ پلەی گەرمی داوەزێد وەجیاوازی 7 پلەی سەدی، لەنیمەڕو کەشیگ وەهاریە و هوونکە تا ماوەی  6-5 رووژ وەردەوام بوود".