هەواڵی کوردستان ئێستا

شەفەق نيوز/ ئەنجومەن پارێزگای زیقار، ئمڕوو شەممە، پرسەی فەرمی لە گشت پارێزگاگە تا ماوەی سێ رووژ راگەیان، لە رووژ یەکشەممە 6 نيسان 2025 دەسوەپی کەێد، ئەرا رێزگردن لە کوشیان موقەدەم موهەنەد رێسان زەیدی، ئەفسەر شانەی هەواڵگری فەوجەیل.

عزەت عۆدە ناشی سەرۆک ئەنجومەن پارێزگاگە لە بەیاننامەیگ رەسیە ئاژانس شەفەق نیوز، راگەیانن پرسەگە ئەرا رێزگردن لە قوربانیەیل زەیدیە هات کە مەوقەی جیوەجیکردن ئەرکیگ ئەمنی تیەێد لە چوارچیوەی دژە تاوان و مقیەتیکردن گیان مەردم.

دویەکە جمعە، سەرچەوەیگ ئەمنی ئەرا ئاژانس شەفەق نیوز خەوەردا لە کوشیان ئەفسەریگ پایەبەرز و زەخمداری ئەندامیگ ئەمنی، مەوقەی رویوەڕویبوین چەکدار ئەرا ئازادکرن کەسیگ رفیای لە باکوور شار ناسریە، ناوەند پارێزگای زیقار.

 سەرچەوەگە ئەرا ئاژانس شەفەق نیوز وت: کابرایگ سەرباز لە وەزارەت وەرگری، ئامووزای خوەی ێفانیە کە ئەویش سەربازە، لە ئاواییگ لە قەزای غەراف باکوور باکوور شار ناسریە، و داوای 10 ملیۆن دینار کردیە، لەوەر تووڵەیگ هووزانەی کوینە ناوەین خوەیان.

سەرچەوەگە وتیش: هیزیگ سەروە دژە تاوان رەسیە شوین رویداوەگە، و تەقەکردن کەفتە ناوەین دوو لایەن، کە بویە هوکار کوشیان ئەفسەریگ وە پلەی موقەدەم و زەخمداری ئەندامیگ ترەک.