English | عربي

وەزیری پەروەردە پەیامێک ئاراستەی قوتابییانی شنگال دەکات


وەزیری پەروەردە پەیامێک ئاراستەی قوتابییانی شنگال دەکات

2019/05/04 | 23:50

(هەواڵ كوردستان)-

پشتیوان سادق وەزیری پەروەردەی حکوومەتی هەرێمی کوردستان پەیامێک ئاراستەی قوتابییانی شنگال دەکات سەبارەت ئەنجامدانی ئەزموونەکانی پۆلی نۆی بنەڕەتی و ١٢ی ئامادەیی لە شنگال.

 

پەیامەکەی وەزیری پەروەردە وێنەیەکی بۆ(باسنیوز) نێردراوە و لە بەشێکیدا هاتووە"ئەمڕۆ ئاگادارى داوا ڕەواکەتان بووم کە داواى ئەوە دەکەن "ئەزموونەکانى پۆلى نۆى بنەڕەتى و ١٢ى ئامادەیی لە هۆڵەکانى شەنگال ئەنجام بدرێت".

ئێمە بە هەموو شێوەیەک لەگەڵ ئێش و ئازارەکانى ئێوەداین و ئەو داواکارییەش مافى خۆتانە".

 

پشتیوان سادق دەڵێ" گرفتەکە لەوەدایە کە پرسیارەکانى هەردوو تاقیکردنەوەى نۆى نیشتمانى و دوانزەى وزارى پەیوەندى بە سەراسەرى هەرێمى کوردستانەوە هەیە، لەبەر بارى ئەمنییە کە ناتوانین پرسیارەکان بنێرین بۆ قەزاى شەنگال و دەوروبەرى، بە پێچەوانەى ساڵانى ڕابردوو کە ئەو ناوچەیە لە ژێر دەسەڵاتى حکومەتى هەرێمى کوردستاندا بوو و ئەزموونەکانیشتان لەو چوارچێوەیە ئەنجام دەدا".

 

لە بەشێکی دیکەی پەیامەکەیدا هاتووە"بەردەوامین و هەوڵی جدی دەدەین لەوەى کە لە ژێر چاودێرى وەزارەتی پەروەردەی حکومەتى هەرێمى کوردستان و بە هاوکارى دەزگا ئەمنییەکانى حکومەتى ناوەندى کە ئەگەر هاوکارى ئەمنیەتى هێنان و بردنى پرسیارەکان بن، لە خزمەتی ئێوەدا بین و پرسیارەکان بنێرینە شەنگال تا تاقیکردنەوەکانتان ئەنجام بدەن".








نیشانەکردن



زۆرترین






ڤیدیۆ- وێنە





Trending