بەسرە.. بەسان نۆرینگەیگ ساختە ماوەی 15 ساڵ وە دزیەو کارکردیە (ڤیدیۆ)
شەفەق نیوز/ فەرمانگەی تەندروسی بەسرە، ئمڕوو شەممە، خەوەردا لە بەسانن نۆرینگەیگ ساختە لە قزای زوبێر لە خوەرئاوای پارێزگاگە، کە خاوەن نۆرینگەگە دەرمان و چارەسەر بیماریەیل فروشتیە و وەگەرد دەرزی دان و ئەنجامداین چەن نەشتەرگەری بویچگیگ.
وەڕێوەبەر فەرمانگەی تەندروسی، عەباس تمێمی وە ئاژانس شەفەق نیوز وت "هەڵمەت بسانن نۆرینگە و سەنتەرە و دەرمانگەیل سەرپیچیکەر یاسایەیل کارکرد لە بەسرە وەردەوامه، دەسکەفت خاسیگ وەدەسهاوردیمنە لە بەرەنگاربوین ئێ دیاردە کە زرەد وە تەندروسی گشتی رەسنێد، لە گوزەشتە راگەیانیمن رێکار یاسایی وەرانوەر سەرپیچیکەرەیل گریمنەوەر".
وتیش "نۆرینگیگ ساختە لەی ماوەی دویاییە لە قەزای زوبێر بەسیانە کە وەرجە 15 ساڵ وازکردیە" وتیش "فرەیگ رێکارەیل لەبان بنەمای ئاگاداریەیل هاوڵاتیەیل تێد وەپای یاسا چەودێری کردنە، وەگەرد جیوەجیکردن رێکارەیل چەودێریکردن ئەرا بەسانن و دەسگردن وەبان دەرمان و کەرەستەیل".
