هەواڵی کوردستان ئێستا

شەفەق نیوز/ لەبان ری خێرایگ لە نزیک ئاوای رومادی ناوەن پارێزگای ئەنبار خوەرئاوای عراق، ئمڕوو شەممە، رویداویگ هیزگردن ئاگر لە بارهەڵگریگ سزەمەنی وە خوەی دی، بویە مدوو مدوو بەرزەوبوین دویکەڵ خەسیگ لە ناوچەگە.

شایەتحالەیل وە ئاژانس شەفەق نیوز خەوەردان، ئاگر گەپیگ لەناوکاو لە تانکەریگ سزەمەنی هیزگرد مەوقەی رەدبوین لەبان ری، تا ئیسە هووکارەگەی نەزانریایە.

تیم وەرگیری شارستانی رەسینەس شوین رویداوەگە، تەقەلای کپەوکردن ئاگرەگە دانە  نواگیریکردنە لەوەگ بڕەسێدە ماشینەیل ترەۆ تا ئیسە هویچ راپۆرتیگ نییە دووپات بکەێد لە زەخمداریەیل.

تا ئیسە دەسڵاتدارەیل هانە لێکۆڵینەوە لە چۆنیەتی رویداوەگە و مەزەنەکردن بڕ زەردەگەی.