عراق 36 تەن دەسمیەتی پزیشکی ئەرا لوبنان کلکەێد
2025-04-13 10:50:19 - سەرچاوە: شەفەق نیوز
شەفەق نیوز/ وەزارەت تەندروسی عراق راگەیان، وەزیر ساڵح مەهدی حەسناوی فەرمان دایە وە کلکردن 36 تەن دەسمیەتی پزیشکی ئەرا خەستەخانەیل لوبنانی.
وەزارەتەگە، ئمڕوو لە بەیاننامەیگ وت، تاقەبەش یکەم لەو دەسمیەتیەیل پزیشکیە رەسیەس ئەرا لوبنان وە ئامادەبوین لیژنەیل کە ئەرا ئێ مەبەست دانریاس و نوێنەر وەزارەت تەندروسی لوبنان.
وتیش؛ هەفتەی ئایندە تاقەبەش دویەم کلکرێد.
لە دویای رویداوەیل 7 ئۆکتۆبەر لە ساڵ 2023عراق بەشداریکەێد لە دەرمان و کەرەستەیل پزیشکی دانە فەلەستین و ئیسرائیل وەگەرد سزەمەنی و چشتەیلیگ ترەک لە دەسمیەتی فریاگوزاری.
