هەواڵی کوردستان ئێستا

شەفەق نيوز/ سەرچەوەیگ ئەمنی، ئمڕوو شەممە، خەوەردا کە دانیشتنیگ ئاشتەوبوین و گەردنازایی لەناوەین هووزەیل لە ناحیەی شۆمەلی لە پارێزگای بابل، بویە دەمەقاڵیگ لەناو یەکیگ لە حوسەینیەیل، کە رەسیە تەقەکردن لەناوەینیان.

 سەرچەوەگە ئەرا ئاژانس شەفەق نیوز وت: لە دەڵکداین ناوەین مەردمەگە دوو کەس زەخمدار بوین، دیاری کرد کە هیزیگ ئەمنی رەسیە شوینەگە، و ئەو کەسەیلە دەسگیر کرد کە تەقە کردنە. 

 لەبان سۆشیال میدیا ڤیدیۆی ئەو رویداوە بڵاو کریا، کە مەردم وتن: ئەو تەقەکردنە لەبان چشتیگ سادە بویە.