هەواڵی کوردستان ئێستا

شەفەق نيوز/ دادگای ئیداری، ئمڕوو یەکشەممە، بڕیار نوویگ دەرکرد وە رەتکردن ئەو ناڕەزایەتیان دا کە لەبان فەرمان وەلائیە دەرکرد کە بڕیار گلەوداین عومەر کروی ئەرا پۆستی دەێد جویر سەرۆک ئەنجومەن پارێزگای دیالە.

وەگورەی بەڵگەنامەیگ کە ئمڕوو لە دادگای ئیداری دەرچگە، بڕیارەگە دویای دانوسەنین ناوەین ئەو دادوەرەیلە هات کە نووڕستن مدووەیل ناڕەزایەتی بەش نیەکەن و پشت وە بنەمای قایمیگ نەوەسانە.

وەرجەیە، ئەو "ناڕەزا" توركی جەدعان عەبد، ئەندام ئەنجومەن پارێزگای دیالە، داوای پویچەڵکردن ئەو فەرمان وەلائیە  پیشکەشکردن کرد کە لە 23 ئادار 2025 دەرچگە، کە بڕیار لاوردن عومەر کروی لە پۆستەگەی دەێد، وەلێ دادگا بڕیار وەرین خوەی دووپات کرد کە لە 25 ئادار 2025 دەرچگە، کە جیوەجیکردن بڕیار ئیداری شمارە (67/3/23) وسان، تا یەکلاییکردن ئەو سکاڵا کە لەنوای پیشکەش کریاس.

لەلای خوەییش، پەرلەمانتار موزر کروی لەبان بڕیارەگە وت: لە باوەڕی ئیمە وە دادپەروەری دادوەری عراق و بڕیار دادگای ئیداری وە رەتکردن ناڕەزایی و چگن وە جیوەجیکردن فەرمان وەلائی وە گلەوداین عومەر کروی ئەرا پۆستەگەی، خوەی سەرکەفتنە ئەرا حەق و داد و یاسا.

 وتیش: سوپاس لە دادوەری دەسپاک عراق کەیمن، و داوا لە گشتی کەیمن رێز لە یاسا بگرن، و ئەو بڕیار دادوەریە جیوەجی بکەن.

لە 25 ئادار گوزەشتە، دادگای ئیداری فەرمانیگ دەرکرد نە گلەوداین عومەر کروی ئەرا پۆستەگەی جویر سەرۆک ئەنجومەن پارێزگای دیالە، لە وەڵامیگ فەرمی لەبلع بڕیار لاوردنی.

دویای ئەوە، بڕیاریگ کەڕچگ وە وسانن جیوەجیکردن ئەو فەرمانە لەوەر ئەو سکاڵا دەرچگ کە تورکی جەدعان ئەندام ئەنجومەن پارێزگای دیالە پیشکەش کرد، وەلێ ئمڕوو، کروی لە کەیسگ ترەک سەرکەفتن هاورد، کە سکاڵای جەدعان رەتەو کەێد، و لەبانی دووارە فەرمان وەلائی ئەرا وسانن ریکارەیل لاوردن کروی دووارەو کرد.