هەواڵی کوردستان ئێستا

شەفەق نیوز/ محمد ئەلحەسان، نوێنەر تایبەت سکرتێر گشتی نەتەوە یەکگرتگەیل لە عراق، ئمڕوو دووشەممە، ئامادەیی ریخریاگ ناودەوڵەتی ئەرا پشتیوانی لە دیدگای عراق لەباوەت ئەو سەختیەیلە لە ناوچەگە دووپاتکرد.

یەیش وەگەرد پیشوازیکردن محمد شیاع سودانی سەرۆک وەزیرەیل لە حەسان هات، و لە دیدارەگە هەردوگلا باس رەوت هاوکاری وەرد نەتەوە یەکگرتگەیل و ریکارەیل کۆتاییهاوردن وە کارەیل ئەو نوێنەرایەتی ناودەوڵەتییە لە عراق، وەگورەی بەیاننامەیگ کە رەسیە ئاژانس شەفەق نیوز.

وەگورەی بەیاننامەگە، سودانی دەسخوەشی لەو ڕۆڵ وەرچەو و گرنگە کرد کە نوێنەرایەتی نەتەوە یەکگرتگەیل لە ماوەی دوو دەیەی گوزەشتە رانیە لە هاوکاریکردن عراق، دووپاتیش لە وەردەوامی هاوکاری ناوەین حکومەت عراق و دەزگا تایبەتمەنەیل نەتەوە یەکگرتگەیل کرد، وەتایبەتی لە بوارەیل چاکسازیی ئیداری و ئاڵشتبوین کەشوهەوا.

سەرۆک وەزیرەیل عراق دەسنشان خوازین ناوچەگە وە هاوکاری و هەماهەنگی لە ناوەین وڵاتەیل جویراجویر کرد ئەرا رەسین وە ئاسایش هاوبەش، پشتیوانی عراق ئەرا "دیالۆگ وەردەوامیگ ناوەین ئەمریکا و ئیران" دووپات کرد.