English | عربي

دوو كرێكارێن خه‌لكێ شنگال و زاخۆ گیانێ خوه‌ ژ ده‌ست دان


دوو كرێكارێن خه‌لكێ شنگال و زاخۆ گیانێ خوه‌ ژ ده‌ست دان

2019/05/06 | 21:15

(هەواڵ كوردستان)-

ژ ئه‌گه‌رێ روودانه‌كا دلته‌زین، دوو كرێكاران كو ئێك ژ وان خه‌لكێ شنگاله‌ و ئێك خه‌لكێ زاخۆیه‌ د قه‌سته‌له‌كا خانیه‌كى دا گیانێ خوه‌ ژ ده‌ست دان و سێ كه‌س ژى برینداربووینه‌ و ره‌وشا ئێك ژ وان د مه‌ترسیێ دایه‌.

 

رائید بێوار عه‌بدولعه‌زیز، په‌یڤدارێ رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ بۆ (باسنیوز) دیار كر، به‌رى ده‌مه‌كێ كێم ل ده‌مژمێر 5:00 ئێڤارى، روودانه‌كا دلته‌زین په‌یدابوو، ده‌مێ ل دروستكرنا قه‌سته‌له‌كێ دوو كرێكار دكه‌ڤنه‌ د قه‌سته‌لێ دا و پشتى هینگى خودانێ خانى و كرێكاره‌كى و جیرانه‌كێ وى خانى دى ژى خوه‌ دهاڤێژنه‌ د قه‌سته‌لێ دا بۆ قورتالكرنا وان هه‌ردوو كرێكاران، به‌لێ هه‌ردوو كرێكاران ژ ئه‌گه‌رێ نه‌مانا ئوكسجینێ گیانێ خوه‌ ژ ده‌ستدایه‌ و هه‌رسێ كه‌سێن دى بریندارن و نها ل نه‌خۆشخانێ دانه‌ ل ژێر چاڤدێریێ و ژیانا ئێك ژ وان ل به‌ر مه‌ترسیێ یه‌ و بۆ نه‌خۆشخانا دهۆك یا ته‌نگاڤیان دێ هێته‌ ڤه‌گوهاستن.

 

ئاشكرا ژى كر فره‌هیا ده‌رگه‌هێ وێ قه‌سته‌لێ مه‌تره‌ك و نیڤن و كووراتیا وێ چوار مه‌تر و نیڤانه‌ و فره‌هیا وێ شه‌ش مه‌ترن و ئوكسجین دناڤ قه‌سته‌لێ دا نه‌مایه‌ و سێ كه‌س هاتینه‌ قورتالكرن و ئێك ژ وان كرێكاران خه‌لكێ شنگالێ یه‌ ب ناڤێ خالد 36 سالى گیانێ خوه‌ ژ ده‌ست دا و بژار خه‌لكێ زاخۆیه‌ 30 ساله‌ و گیانێ خوه‌ ژ ده‌ست دایه‌.

 








نیشانەکردن



زۆرترین






ڤیدیۆ- وێنە





Trending