English | عربي

سەرۆك هۆزێن ئێزدیان داخواز دكەن پێشمەرگە بزڤرتە شنگال


سەرۆك هۆزێن ئێزدیان داخواز دكەن پێشمەرگە بزڤرتە شنگال

2019/05/07 | 09:45

(هەواڵ كوردستان)-

سەرۆك هۆزێ‌ قەیرانیا ل قەزا شنگال دیار كر بتنێ داخوازیا مە ئەوە وەكو سەرۆك هۆزێن شنگال پێشمەرگەهێ كوردستانێ‌ بزڤرتە شنگال چونكو بتنێ پێشمەرگەهێ‌ كوردستانێ‌ دشێت خەلكی شنگال بپارێزت، دێ وەسا خەلكێ‌ مە ژی بزڤرنە مالێن خوە.

 

زێد حەجی، سەرۆك هۆزا قەیرانیان ل قەزا شنگال بۆ (باسنیوز) دیار كر: "ب فەرمی‌ داخوازێن خوە رادەستی وێ‌ كرن بۆ دیتنا رێیا چارەسەرەیەكی بۆ رەوشا شنگال.

مە داخوازكریە هێزێن هەڤبەش ناڤبەرا پێشمەرگەهی و سوپایێ‌ عێراقی دا بزڤرنە شنگال و ئیدارا شنگال ڤەگەرت ورێ‌ بهێتە خوشكرن ئاوارە ڤەگەرنە سەر مال و مولكێ خوە و قەرەبوو كرنا خەلكێ‌ بهێتە كرن وپەكەكە و هێزێن دی‌ یێن نە قانوونی‌ ژ شنگال دەربكەڤن و ئەو وەلاتیێن سڤیل یێن خەلكی شنگال لسەر دەستێن تیرۆرستێن داعش هاتینە كوشتن ب شەهید بهێنە هژمارتن و بەغدا ژی سۆز دایە ڤان داخوازیێن شنگال بچنە دناڤ روونشتنا پەرلەمانێ‌ عێراقی دا بۆ دیتنا رێكێن چارەسەری بۆ رەوشا شنگال.

ئەم چاڤەرێنە زووترین وەخت رەوشا شنگال بهێتە چارەسەركرن".

 

خویا ژی كر: "ئەم پێنچ سەرۆك هۆزێێن شنگال چووینە بەغدا بۆ دان وستاندنێ دگەل بەغدا داخوازیا مە یا هەرە گرنگ ئەو بوویە پێشمەرگە بزڤرتە شنگال چونكو هەتا پێشمەرگە نەزڤرتە شنگال خەلكێ‌ مە ژبەر عەرەبان نەشێن ڤەگەرن".








نیشانەکردن



زۆرترین






ڤیدیۆ- وێنە





Trending