English | عربي

به‌ڕێوه‌به‌ری ئاسایشی که‌رکووک: پشتێنه‌ی ئه‌منیی که‌رکووک لاوازه‌


به‌ڕێوه‌به‌ری ئاسایشی که‌رکووک: پشتێنه‌ی ئه‌منیی که‌رکووک لاوازه‌

2019/05/07 | 12:25

(هەواڵ كوردستان)- "پەلامارەکانی داعش زۆر بوون"‌

به‌رێوه‌به‌ری ئاسایشی که‌رکووک ئاماژه‌ به‌وه‌ ده‌کات پشتێنه‌ی ئه‌منیی شاری که‌رکووک لاوازه‌ و داعش له‌و شوێنانه کە  پێشتر‌ پێشمه‌رگه‌ی لێ بووه.‌ خۆی رێک خستووه‌ته‌وه‌.

 

عه‌میدی ئیدریس ڕه‌فعه‌ت، به‌ڕێوه‌به‌ری ئاسایشی که‌رکووک لەمبارەوە بە (باسنیوز)ی ڕاگەیاند: "له‌ هه‌فته‌یه‌کدا داعش چوار جار په‌لاماری سنووری شاری که‌رکووک داوە و مه‌فره‌زه‌یان به ‌شێوه‌ی پارتیزانی لهناو که‌رکووک و ده‌وروبه‌ری که‌رکووک هه‌یه و‌  دووباره چالاکی‌ ده‌که‌نه‌وه‌ و پێشبینیی چالاکی دیکه‌ش ده‌کرێت، چونکه‌ به ‌ده‌وروبه‌ری که‌رکووکدا ده‌سووڕێنه‌وه"‌.

 

گوتیشی: پشتێنه‌ی ئه‌منیی که‌رکووک لاواز بووه‌ و ئه‌و شوێنانه‌ی پیشووتر به‌ده‌ست پێشمه‌رگه‌وه‌ بوون، ئێستا بۆشاییه‌کی زۆری ئەمنییان تێدا دروست بووه‌ و داعش ته‌راتێنیان تێدا ده‌کات و سوپای عێراق ناتوانن هێرش بکه‌ن و زیاتر به‌رگری له ‌شوێنه‌کانی خۆیان ده‌که‌ن".

 

بەڕێوەبەری ئاسایشی کەرکووک ئه‌وه‌شی خسته ڕوو: "پێشبینی خراپتربوونی دۆخی ئەمنی ده‌کرێت، چونکه‌ داعش به‌ شێوه‌یه‌کی دیکه‌ خۆی رێک خستووه‌ته‌وه‌ و شانه‌یه‌کی نووستووی زۆری داعش له‌ناو شاره‌که‌ش هه‌یه"‌.








نیشانەکردن



زۆرترین






ڤیدیۆ- وێنە





Trending