به‌ڤیدیۆ.. ئارش عوسمان كلیپێكی نوێ بڵاو ده‌كاته‌وه
ئارش عوسمان، گۆرانیبێژی كورد، به‌م زوانه نوێترین ڤیدیۆ كلیپی خۆی به ناوی (دایه) بڵاو ده‌كاته‌وه.
له‌مباره‌یه‌وه ئارش له هه‌ژماری تایبه‌تیی خۆی، له تۆڕی كۆمه‌ڵایه‌تیی (ئینستاگرام) ڕوونكردنه‌وه‌یه‌كی به‌شێوه‌ی ڤیدیۆ بڵاو كردووه‌ته‌وه و ده‌ڵێ: "گۆرانیی دایه كه پێشتر به‌شێكى لێ بڵاو كراوه‌ته‌وه، له تۆڕه كۆمه‌ڵایه‌تییه‌كاندا ده‌نگدانه‌وه‌یه‌كی زۆر باشی هه‌بوو، هه‌ر بۆیه بڕیامان دا به شێوه‌ی ڤیدیۆ كلیپ گۆرانییه‌كه ته‌واو بكه‌ین و بڵاوی بكه‌ینه‌وه، هه‌ركه‌سێك ده‌توانێت ڤیدیۆی خۆی و به ده‌ربڕینی خۆشه‌ویستییه‌ك بۆ دایك بۆمان بنێرێت، ئێمه‌ش بڵاوی ده‌كه‌ینه‌وه".
ئه‌و گۆرانیبێژه خاوه‌نی چه‌ند گۆرانی و ڤیدیۆ كلیپێكه، له مانگی ڕابردوودا ئه‌و گۆرانیبێژه به‌شێك له گۆرانیی (دایه)ى به‌شێوه‌ی ده‌نگ له تۆڕه كۆمه‌ڵایه‌تییه‌كاندا بڵاو كرده‌وه.
