وه‌رپرسيليگ له سايلۆ نه‌جه‌ف دوياى نه‌مه‌ندن 752 ته‌ن گه‌نم بانگهێشت كريه‌ن
شه‌فه‌ق نيوز/ ده‌ه‌ى ده‌سپاكى ناوه‌ندى، ئاشكراى فه‌رمان بانگهێشتكردن ده‌رهه‌ق وه وه‌رپرسه‌يليگ كرد له سايلۆ نه‌جه‌ف ئوفقى، ئه‌ويش دوياى كه‌مبوين 752 ته‌ن له گه‌نم.
له‌ى باوه‌ته‌و، ده‌زگاى په‌يجورى له ده‌سه‌گه له به‌ياننامه‌يگ ئه‌را ئاژانس شه‌فه‌ق نيوز وت: دادگاى په‌يجورى نه‌جه‌ف ك تايبه‌ته وه كيشه‌يل ده‌سپاكى، فه‌رمانيگ بانگهێشتكردن ده‌رهه‌ق چوار وه‌رپرس له سايلۆ ئوفقى پاريزگاگه ده‌كردگه وه‌گووره‌ى ماده‌ى(341)له ياساى سزايه‌يل عراقى دوياى ئاگاداربوينى له مه‌حزه‌ريگ ك له‌لايه‌ن مه‌لاكه‌يل نويسينگه‌ى په‌يجوورى نه‌جه‌فه‌و ريكخرياگه له‌باره‌ى ده‌ركردن و كردنه‌ناو مه‌خزه‌نى تايبه‌ت وه مادده‌ى گه‌نم ناوچه‌يى له عه‌مباره‌يل سايلۆگه.
جى باسه، ئاماژه وه‌يه‌يش كريا، ده‌سه‌گه له 19ى ئايار ئى مانگه ئاشكراى ئه‌نجامه‌يل هه‌ڵمه‌تيگ خوه‌ى كردگه له‌باره‌ى وجوود كه‌مى له ماده‌ى گه‌نم له عه‌مباره‌يل سايلۆ نه‌جه‌ف و يه‌يش درخستگه ئه‌و كه‌مييه ره‌سيه‌سه زياتر له(750)ته‌ن وه‌بڕ زياتر له چوارسه‌د مليۆن دينار.
