ئه‌ڤ سالا ژى مه‌سیحیان نه‌شیان بچن ل شنگال رێوره‌سمێن خوه جه‌ژنێ بگێرن
قایمقامێ قه‌زا شنگال دیاركركو پتر ژ هزار كه‌سین مه‌سیحێ نه‌شیان ئه‌ڤ سالا ژى بچنه شنگال بۆ گێرانا رێ ره‌سمێن جه‌ژنا ژدایك بونا حه‌زره‌تا عیسایێ مه‌سیح.
مه‌حما خه‌لیل، قایمقامێ قه‌زا شنگال بۆ (باسنیوز) دیاركر كو مخابن مه‌سیحین ئاكنجین قه‌زا شنگال ئه‌ڤ سالا ژى وه‌كو سالین بۆرى نه‌شیان بچنه شنگال ورێ وره‌سمێن جه‌ژنا ژ دایك بوونا حه‌زره‌تا عیسایێ مه‌سیح ساخ بكه‌ن هه‌تا نوكه ژى ئێك كه‌سى مه‌سیحى ژى هیشتا نه‌زڤریه شنگال هه‌تا هزار كه‌سین مه‌سیحى ل شنگال هه‌بوون هه‌موو ژبه‌ر تیرۆرستێن داعش ئاواره‌بووینه نها ژى ره‌وشا شنگال ده‌لیڤه نادات خه‌لك بچن ل شنگال جه‌ژن وهه‌لكه‌ڤتین خوه ئاینى بكه‌ن .
خۆیا ژى كر كو ئه‌من وئاسایش ل سنورێ شنگال نه‌یا به‌رقراره ئه‌و ره‌وشا خراب یا نوكه شنگال هه‌ى بوویه ئه‌گه‌ر هه‌موو پیكهاتیین شنگال نه‌شین بۆ جه‌ژن و هه‌لكه‌ڤتین خوه ئاینى ژى بچنه شنگال كو ل شنگال سیى كه‌نیسه هه‌بوون هه‌ر سیى كه‌نیسه ژلایى تیرۆرستێن داعش ڤه هاتینه په‌قاندن هه‌تا نوكه ژى ئه‌و كه‌نیسه نه‌هاتینه چیكرن.
