English | عربي

دیمه‌شق نامه‌یه‌ك له‌ دژی هه‌سه‌ده‌ ئاراسته‌ی ئه‌نجوومه‌نی ئاسایش ده‌كات


دیمه‌شق نامه‌یه‌ك له‌ دژی هه‌سه‌ده‌ ئاراسته‌ی ئه‌نجوومه‌نی ئاسایش ده‌كات

2019/05/13 | 22:45

(هەواڵ كوردستان)- K24- رۆژئاوای كوردستان:

وەزارەتی دەرەوەی سووریا داوا لە ئەنجوومەنی ئاسایشی نێودەوڵەتی دەکات, رێگری له‌ ره‌فتاره‌كانی هێزه‌كانی سووریای دیموكرات "هەسەدە" لە رۆژهەڵات و باکووری سووریا بكات.

بۆ ئه‌م مه‌به‌سته‌ش وەزارەتی دەرەوەی سووریا نامەیەکی ئاراستەی ئەنجوومەنی ئاسایشی نێودەوڵەتی کردووە، تێیدا ئاماژەی بەوەکردووە، شه‌ڕڤانانی هه‌سه‌ده‌ کە لەلایەن ئەمریکا و وڵاتانی رۆژئاواوه‌ پاڵپشتی دەکرێن، مامەڵەی خراپ لەگەڵ دانیشتوانی دەروبەری شاری دێرزوور دەکەن، خەڵکی ئەو ناوچانەیان ناچارکردووە، فەرمانه‌كانیان جێبه‌جێ بكه‌ن.

وەزارەتی دەرەوەی سووریا ئاماژەی بەوەشکردووە, لە چەند رۆژی رابردوودا خەڵکی ناوچەکانی دێرزوور دژی هەسەدە خۆپیشاندانیان کردووە، بەڵام هەسەدە بە زەبری چەك بڵاوەیان بە خۆپیشاندەران کردووە، داواشی لە ئەنجوومەنی ئاسایش کردووە, سنوورێك بۆ کارەکانی هەسەدە لە رۆژهەڵات و باکووری سووریا دابنێت.

ماوەی چەند رۆژێکە خۆپیشاندانەکان لە دژی هێزەکانی سووریای دیموکرات لە شاری دێرزوور زیادی كردووه‌ و عەرەبەکانی دانیشتووی ئەو پارێزگایە دەڵێن: هێزە کوردییەکان ناوچەکانی ئەوانیان داگیرکردووە و هەڕەشەش لە هەسەدە دەکەن.

بەشێك لە سیاسەتمەدارانیش دەڵێن: رژێمی سووریا لە پشت خۆپیشاندانەکانی دێرزوورە لە دژی هێزەکانی سووریای دیموكرات.

ئاماژە بۆ ئەوەش دەكەن، مانەوەی هەسەدە لەو ناوچانە مەترسی بۆ پێکەوەژیانی کورد و عەرەب لە سووریا دەبێت.

H.B








نیشانەکردن



زۆرترین






ڤیدیۆ- وێنە





Trending