English | عربي

فره‌نسا: به‌رده‌وام دێ هاریكاریا هه‌رێما كوردستانێ و پارێزگه‌ها دهۆکێ كه‌ین


فره‌نسا: به‌رده‌وام دێ هاریكاریا هه‌رێما كوردستانێ و پارێزگه‌ها دهۆکێ كه‌ین

2019/05/14 | 15:09

(هەواڵ كوردستان)- ئەڤرۆ نیوز: ئه‌ڤرۆ 14/5/2019 ل كوچكا مێڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا (دومینیك ماس ) قونسلێ وه‌لاتێ فره‌نسا ل هه‌رێما كوردستانێ كر.

دهه‌ڤدیتنه‌كێدا به‌حسێ په‌یوه‌ندیێن هه‌رێما كوردستانێ دگه‌ل حكومه‌تا فره‌نسا ژلایێ سیاسى وئابورى وله‌شكرى هاته‌ كرن.

دته‌وه‌ره‌كێ دن دا به‌حسێ ره‌وشا ده‌ڤه‌رێ و سه‌روبه‌رێ ئاواره‌ و په‌نابه‌را و ئه‌و هاریككاریێن پارێزگه‌ها دهوكێ ورێكخراوێن نیڤ ده‌وله‌تى پێكێش دكه‌ن هاته‌ كرن.

پارێزگه‌رێ دهوكێ دیار كر كو هه‌بونا رێژه‌كا مه‌زن یا ئاواره‌ وپه‌نابه‌ران ل پارێزگه‌هێ بارگرانیه‌كا مه‌زن ئێخستیه‌ سه‌ر هه‌موو سه‌كته‌رێن خزمه‌تكارى مینا خزمه‌تكاریێن په‌روه‌ردێ وساخله‌میێ وپروژێن ئاڤێ ورێك وئه‌لكتریكى و…هتد وخواست كو حكومه‌تا فره‌نسا وجڤاكێ نیڤده‌وله‌تى به‌رده‌وامیێ بده‌نه‌ هاریكاریكرنا ئاواره‌ وپه‌نابه‌ران ل سنورێ پارێزگه‌هێ و سوپاسیا وى وه‌لاتى كر بو وێ پشته‌ڤانیا به‌رده‌وام یا بو هه‌رێما كوردستانێ دكه‌ن .

ژلایێ خوڤه‌ قونسلێ فره‌نسا ده‌ست خوشى ل پارێزگه‌ها دهوكێ و حكومه‌تا هه‌رێما كوردستانێ كر بو حه‌واندنا وێ رێژا زور یا ئاواره‌ و په‌نابه‌ران وته‌كه‌زكر كو فره‌نسا به‌رده‌وام دێ هاریكاریا هه‌رێما كوردستانێ وئاواره‌ وپه‌نابه‌ران كه‌ت.

بریاره‌ قونسلێ وه‌لاتێ فره‌نسا سه‌را چه‌ند كه‌مپێن ئاواره‌یان بده‌ت وژنێزیك هایدارى ره‌وشا وان ببیت.








نیشانەکردن



زۆرترین






ڤیدیۆ- وێنە





Trending