English | عربي

ترەمپ داوای ڕێككەوتنامەیەكی ئەتۆمی بە ناوی خۆی لەگەڵ ئێران كردووە


ترەمپ داوای ڕێككەوتنامەیەكی ئەتۆمی بە ناوی خۆی لەگەڵ ئێران كردووە

2019/05/15 | 19:50

(هەواڵ كوردستان)-

نووسەرێكی ناوداری بەریتانی ئاشكرای كرد دۆناڵد ترەمپ سەرۆكی ئەمریكا داوای كردووە ڕێككەوتننامەیەكی نوێی ئەتۆمی لەگەڵ ئێراندا ئیمزا بكرێ، بە جۆرێك كە ڕێككەوتننامەكە بە ناوی ترەمپ بكرێت.

ئەمڕۆ چوارشەممە دێڤید هێرست نووسەر و سەرنووسەری ماڵپەڕی "میدڵ ئیست ئی" لە وتارێكدا ئاماژەی بەوە داوە كە مایك پۆمپیۆ وەزیری دەرەوەی ئەمریكا لە میانی سەردانەكەیدا بۆ بەغدا، داوای لە عادل عەبدولمەعدی سەرۆك وەزیرانی عێراق كردووە بە ئێرانیەكان رابگەیەنێ كە ترەمپ شەڕی ناوێ لەگەڵ ئێران، بەڵكو دەیەوێ ڕێككەوتننامەیەكی ئەتۆمی نوێ لەگەڵ تاراندا ئیمزا بكات، كە ناوی ئەو هەڵبگرێت.

نووسەرە بەریتانیەكە لێدوانی بەرپرسێكی باڵای عێراقیشی گواستووەتەوە لەبارەی سەردانەكەی پۆمپیۆ بۆ بەغدا و دەڵێ "عەبدولمەهدی چاوەڕوان بوو پۆمپیۆ داوای كردنە دەرەوەی میلیشیا ئێرانیەكانی لێ بكات، چونكە هێرش بۆ سەر ئێران دەستپێدەكەن، بەڵام لە راستیدا پۆمپیۆ باسی هێرشی نەكرد، بەڵكو بە پێچەوانەوە، سەرۆك وەزیرانی عێراقی تووشی سەرسڕمان كرد كە گوتی وڵاتەكەی نایەوێ شەڕ لەگەڵ ئێران بكات".

هێرست ئاماژەی بە وەڵامی عەبدولمەهدی كردووە كە گوتوویەتی ئێرانیەكان هەستی شانازی بەخۆكردنیان بەرزە و باوەڕ ناكات جارێكی تر وتوێژ لەبارەی ڕێككەوتننامەی ئەتۆمی بكەنەوە، بەڵام دەكرێ هەوڵی دانوستاندن بدرێ بۆ زیادكردنی پرۆتۆكۆلی نوێ بۆ سەر ڕێككەوتننامەكە.

پۆمپیۆش ئەو بۆچوونەی عەبدولمەهدی بە ئەرێنی هەڵسەنگاندووە.








نیشانەکردن



زۆرترین






ڤیدیۆ- وێنە





Trending