English | عربي

ئۆپەراسیۆنێک بۆ دەستگیرکردنی توندڕەوانی سەر بە داعش ئەنجام درا


ئۆپەراسیۆنێک بۆ دەستگیرکردنی توندڕەوانی سەر بە داعش ئەنجام درا

2019/05/16 | 09:15

(هەواڵ كوردستان)-

 

هێزەکانی سووریای دیموکراتی (هەسەدە) دەست بە شەڕی دژی رێکخراوی تیرۆریستی داعش دەکاتەوە و ئۆپەراسیۆنێکی ئەنجام دا.

لە بەیاننامەیەکدا، هەسەدە رایگەیاندووە، بەرەبەیانی رۆژی پێنجشەممە 16-5-2019 هەڵمەتێکیان دژی پاشماوە و ئەو کەسانەی پەیوەندییان بە داعشەوە هەیە، لە سنووری شارۆچکەی شەحیل لە پرێزگای دێرەزوور، دەست پێ کردووە.

هەسەدە هەرەها رایگەیاندووە، کە تا ئێستا 20 چەکدار و ئەندامی داعش دەستگیر کراون و دەستیش بەسەر ژمارەیەک مۆڵگە و حەشارگەی چەک و تەقەمەنیی ئەو رێکخراوە تیرۆریستییەدا، گیراوە.

رۆژی 23-5-2019، هەسەدە دوایین مۆڵگەی داعشی لە سووریا، کە بریتی بوو لە گوندی باغۆز لە سنووری پارێزگای دێرەزوور لە باشووری رۆژهەڵاتی سووریا، رزگار کردەوە و سەرکەوتنی کۆتایی بەسەر ئەو رێکخراوە تیرۆریستییەدا راگەیاند.

داعش لە ساڵی 2014 دوای داگیرکردنی نزیکەی نیوەی خاکی سووریا و عێراقدا گرت و خەلافەتی داعشی لەو ناوچانە راگەیاند.

هەسەدە هێزێکی سەربازییە و بە پشتیوانیی ئەمریکا بۆ رزگارکردنەوەی ناوچە داگیرکراوەکانی رۆژئاوای کوردستان و سووریا لە رێکخراوی تیرۆریستی داعش، پێکهاتووە.

یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) لە رۆژئاوای کوردستان، باڵی سەرەکیی ئەو هێزەیە.








نیشانەکردن



زۆرترین






ڤیدیۆ- وێنە





Trending