English | عربي

جڤاتا مووسل: ئەم نە دگەلداینە چەك ل سەر خەلكێ‌ گوندان بهێنە بەلاڤكرن


جڤاتا مووسل: ئەم نە دگەلداینە چەك ل سەر خەلكێ‌ گوندان بهێنە بەلاڤكرن

2019/05/16 | 10:20

(هەواڵ كوردستان)-

ئەندامەكێ‌ جڤاتا پارێزگەها مووسل دیار كر نابیت چەك ل سەر خەلكێ‌ گوندان ل پارێزگەها مووسل بهێتە بەلاڤكرن ب مەرەما بەرەڤانیكرن ل وان گوندێن مەترسیا تیرۆرستێن داعش لسەر هەی.

 

 خەلیل شەمۆ، ئەندامێ‌ جڤاتا پارێزگەها مووسل بۆ (باسنیوز) دیار كر: "پێدڤیە چەك د دەستێ‌ حكومەت و دەزگەهێن ئەمنی یێن‌ حكومەتێ بتنێ دابیت ونابیت چەك بكەڤتە دەستێ وەلاتیاندا ب مەرەما وێ‌ چەندێ خەلكێ‌ ب وی‌ چەكی بەرەڤانیێ ژ خوە بكەن، دەمێ‌ تیرۆرستێن داعش قەستا گوندێن وان دكەن.

هەر وەكو بەری چەند رۆژان بەغدا گۆتی دێ‌  چەكێ‌ بدەینە 50 گوندێن سەر مووسلێ‌ ڤە  ئەڤە ژی بۆ وێ چەندێ یە خەلك بەرەڤانیێ پێ‌ ژخوە بكەن ژبەر تیرۆرستان.

لێ‌ تشتەكێ‌ باش نینە چەك دەستێ‌ خەلكێ‌ دابیت".

خویا ژی كر: "ئەڤ پێنگاڤا چەك كرنا خەلكێ‌ گوندان جهێ‌ خوە دا نینە.

ئەم وەكو جڤاتا مووسل رەت دكەین چەك بكەڤتە دەستێ خەلكێ‌ دا وپێدڤیە چەك د دەستێ وەلاتیاندا نەبیت بتنێ د دەستێ حكومەتێ دابیت".








نیشانەکردن



زۆرترین






ڤیدیۆ- وێنە





Trending