ته‌رم پۆليس وه سه‌ربڕياگى له‌ناو سه‌ياره‌گه‌ى له كه‌ركوك دوينرياوه
2020-05-24 00:00:00 - سەرچاوە: شـه‌فـه‌ق نيـوز
شه‌فه‌ق نيوز/ سه‌رچه‌وه‌يگ وه‌رپرس ئه‌منى ئاشكراى دوينستنه‌وه‌ى ته‌رم پۆليسيگ كرد وه سه‌ربڕياگه له‌ناو سه‌ياره‌گه‌ى خوه‌ى، ئه‌ويش دوياى رفاننى وه رووژيگ له شار كه‌ركوك.
سه‌رچه‌وه‌گه ئه‌را ئاژانس شه‌فه‌ق نيوز وت: ده‌مه‌و شه‌وه‌كى ئمڕوو هيزه‌يل ئه‌منى ته‌رم پۆليسيگ وه سه‌ربڕياگى له‌ناو سه‌ياره‌يك پيكاب فرمز دينه‌سه‌و ك مفه‌وه‌ز بويه له پۆليس(ب، أ) ك وه چه‌قوو تيژ له كه‌ركوك سه‌ربڕياگه.
سه‌رچه‌وه‌گه هه‌ميش وت: ئه‌و پۆليس له دويه‌كه ئيواره‌وه رفياگه‌و ئه‌و سه‌ياره‌يش ك له‌تى كوشياگه سه‌ياره‌ى خوه‌ى بويه.