كۆرۆنا زه‌ره‌د 250 مليۆن دۆلار ره‌سانه‌سه گه‌شتيارى عه‌ماديه له دهۆك
شه‌فه‌ق نيوز/ ده‌زگاى گه‌شتيارى له قه‌زاى عه‌ماديه له باكوور پاريزگاى دهۆك، جه‌خت له‌وه كرد كه‌رت گه‌شتيارى تويش زه‌ره‌د گه‌ورايگ هاتگه له ئه‌نجام بڵاوبوينه‌وه‌ى ڤايرۆس كۆرۆنا، ئه‌ويش وه 250 مليۆن دۆلار.
له‌ى باوه‌ته‌و، نه‌زيف محه‌مه‌د عه‌لى وه‌ڕيه‌وبه‌ر ده‌زگاگه ئه‌را ئاژانس شه‌فه‌ق نيوز وت: بڵاوبوينه‌وه‌ى ڤايرۆس كۆرۆنا ئفليجى ته‌واويگ ره‌سانه‌سه كه‌رت گه‌شتيارى له عه‌ماديه‌و زه‌ره‌ديگ وه بڕ 250 مليۆن دۆلار له‌لى كه‌فته‌سه‌و له‌وه‌ختيگه‌و په‌تاگه بڵاوه‌و بويه.
وه‌ڕيه‌وبه‌ر ده‌زگاگه هه‌ميش وت: شوونه‌يل گه‌شتيارى له رووژه‌يل جه‌ژن داخريانه وه بوونه‌ى قه‌يه‌غه‌ى هاتوچوو ك له‌ئه‌نجام ئه‌وه‌يش گه‌شتيار روێ له شوونه‌يل گه‌شتيارى ناكه وه‌تايبه‌ت 90% له گه‌شتياره‌يل ك روێ له ناوچه‌گه كرديان له ناوڕاس و باشوور عراقه‌و هاتيان.
